گه‌ڕان

Shadow Shadow
سیاسه‌تی

زانیارى زیاتر

مانگە دەستکردەکان ’’وێنەى شوێنى فڕینى درۆنە هێرشبەرەکانى’’ سەر ماڵى کازمى یان تۆمارکردووە

2021.11.07 - 21:05
App store icon Play store icon Play store icon
مانگە دەستکردەکان ’’وێنەى شوێنى فڕینى درۆنە هێرشبەرەکانى’’ سەر ماڵى کازمى یان تۆمارکردووە

ناس کورد-

لێکۆڵینەوە لەهەوڵى تیرۆرکردنى مستەفا کازمى سەرۆک وەزیرانى عێراق بەردەوامە و لەرێگەى مانگە دەستکردەکانەوە وێنەى شوێنى فڕینى درۆنە هێرشبەرەکان تۆمارکراوە و رادەستى لایەنە پەیوەندیدارەکان کراوە.

کەناڵی ناس کورد لە تێلیگرام جۆین بکە   

 

بەرنامەی "لعبة الكراسي" لە کەناڵی شەرقیەی عێراقی بڵاوی کردەوە وڵاتانی ڕۆژئاوا هاوکارن لە کەیسی لێکۆلێنەوە لە هێرشی سەر ماڵی کازمی و لە ڕێگەی مانگە دەستکردەکانەوە وێنەی شوێنی فڕینەکەیان گرتووە و رادەستی بازنەیەکی بەرتەسکی فەرماندە ئەمنییەکانیان کردووە.

 

 بەرەبەیانی ئەمڕۆ (7ی تشرینی دووەمی 2021) شوێنی مانەوەی مستەفا كازمی سەرۆك وەزیرانی عێراق لە ناوچەی سەوزی بەغدا بە سێ فڕۆكەی بێفڕۆكەوان دووچاری هێرشی موشەكی بوویەوە، لە ئەنجامیشدا هەندێك لە پاسەوانەكانی بریندار بوون.        

  

لەپاش هێرشەكە مستەفا كازمی لە پەیامێكی ڤیدیۆییدا دەركەوت و ڕایگەیاند، "ماڵەكەم دووچاری دوژمنكارییەكی ترسنۆكانە بووەتەوە، سوپاس بۆ خوا خۆم و ئەوانەی لەگەڵما كار دەكەن سەلامەتن".