گه‌ڕان

Shadow Shadow
سیاسه‌تی

مالیکیش هەڵوێستی خۆی لەبارەى هەوڵی تیرۆری کازمی ئاشکرا کرد

2021.11.07 - 10:56
App store icon Play store icon Play store icon
مالیکیش هەڵوێستی خۆی لەبارەى هەوڵی تیرۆری کازمی ئاشکرا کرد

ناس کورد-

نوری مالیکی، سەرۆکى هاوپەیمانێتی دەوڵەتی یاسا ڕایگەیاند، "بەئامانجگرتنی ماڵی بەڕێز مستەفا کازمی، سەرۆکوەزیرانی عێراق کارێکی ڕەتکراوەیە و سەرکۆنەی دەکەین." 

کەناڵی ناس کورد لە تێلیگرام جۆین بکە   

 

مالیکی لە تویتێکدا (7ی تشرینی دووەمی 2021) دەڵێت، "ئەوە بارگرژییە بۆ دۆخی ئەمنی ئەمساڵ کە بە دەستی چەندین ئاڵنگاری و سەرپێچییەوە دەناڵێنێت، ئێمە داوا دەکەین بابەتە بە ژیری چارەسەر بکرێت دور لە هەموو توندوتیژییەک و داوا دەکەین هەمووان هەست بە بەرپرسیارێتی بکەن."

 


بەگوێرەی ڕاگەیەنراوی وەزارەتی ناوخۆ، بەرەبەیانی ئەمڕۆ (7ی تشرینی دووەمی 2021) شوێنی مانەوەی مستەفا كازمی سەرۆك وەزیرانی عێراق لە ناوچەی سەوزی بەغدا بە سێ فڕۆكەی بێفڕۆكەوان دووچاری هێرشی موشەكی بوویەوە، لە ئەنجامیشدا هەندێك لە پاسەوانەكانی بریندار بوون.

 


لەپاش هێرشەكە مستەفا كازمی لە پەیامێكی ڤیدیۆییدا دەركەوت و ڕایگەیاند، "ماڵەكەم دووچاری دوژمنكارییەكی ترسنۆكانە بووەتەوە، سوپاس بۆ خوا خۆم و ئەوانەی لەگەڵما كار دەكەن سەلامەتن".

 


هەروەها وتیشی، فڕۆكەی بێفرۆكەوان و موشەكی ترسنۆكانە وڵات بنیات نانێن، ئێمە لە ڕێگای دەزگاكانی دەوڵەتەوە خەریكی بنیاتنانی دەوڵەتی خۆمانین، داوا لە هەموو لایەنەكانیش دەكەن دیالۆگ بكەن لە پێناو عێراق و ئایندەی عێراق.

 


هەوڵی تیرۆركردنی كازمی پاش ڕۆژێك لە گرژییە ئەمنییەكانی بەردەم ناوچەی سەوز دێت كە تێیدا لایەنگرانی گروپە چەكدارەكانی نزیك لە ئێران و چەكدارە خۆپیشاندەرەكانیان دژی ئەنجامەكانی هەڵبژاردن، لەگەڵ هێزە ئەمنییەكان بەرەنگاربوونەوە و چەند كوژراو و بریندارێكی لێ كەوتەوە، بەدوایدا سەرانی گروپەكان هەڕەشەی توند و ڕاستەوخۆیان ئاراستەی مستەفا كازمی كرد.

 

لەپاش گرژییە ئەمنییەكانی بەردەم ناوچەی سەوزیش، قەیس خەزعەلی ئەمینداری عەسایب لە ناو چەكدار و لایەنگرەكانی وتی: ئەی كازمی بەو وەسفانەی كە شایستەیت لەمنی وەرگرە وەك شروگییەكی ڕەسەن، خوێنی شەهیدان.. خوێنی شەهیدان.. خوێندنی شەهیدان لە گەردنی تۆیە، خوێنی شەهیدان دادگاییكردنی تۆیە.