گه‌ڕان

Shadow Shadow
سیاسه‌تی

بەپەلە

ناوەڕۆکی کۆبوونەوەی مەکتەبی سیاسیی یەکێتی ئاشکرا کرا

2021.11.06 - 19:20
App store icon Play store icon Play store icon
ناوەڕۆکی کۆبوونەوەی مەکتەبی سیاسیی یەکێتی ئاشکرا کرا

ناس کورد- 

کۆبوونەوەی مەکتەبی سیاسیی یەکێتیی نیشتیمانیی کوردستان کۆتایی هات و لە ڕاگەیەنراوێکدا ئەوەی ئاشكرا كردووە لەسەر تەوەری حزبایەتی قسە كراوە و راسپاردەی پێویست بۆ کۆبوونەوەی مەکتەب و ئۆرگانەکان دراوە.

کەناڵی ناس کورد لە تێلیگرام جۆین بکە   

 

ئیوارەی ئەمڕۆ شەممە 6ی تشرینی دووەمی 2021، بە سەرۆکایەتی بافڵ تاڵەبانی، مەکتەبی سیاسی یەکێتیی نیشتمانیی کوردستان لە ھۆڵی کۆبوونەوەکان لە شاری سلێمانی کۆبووەوە. 

 

بەگوێرەی ڕاگەیەنراوێکی کۆبوونەوەکە، باس لە دۆخی عیراق و رەوشی بەغدای پایتەخت و پرسی گفتوگۆکانی پێکھێنانی حکومەتی تازە لەگەڵ پەسەند کردنی ئەنجامی ھەڵبژاردنەکانی ئەنجومەنی نوێنەرانی عیراق كراوە. هەروەها ئەوەش هاتووە: کۆبوونەوە تەکیدی لە پێوستی یەکڕیزیی ھێزە سیاسییەکانی کوردستان کردەوە.

 

ئاماژە بەوەشکراوە، تەوەرێکی تری کۆبوونەوەکە تەرخان کرا بۆ رەوشی ناوخۆی کوردستان و ھەڵبژاردن و دەستوور، ھەروەھا کۆبوونەوە لەسەر تەوەری حزبایەتی قسەی کرد و راسپاردەی پێوسیت بۆ کۆبوونەوەی مەکتەب و ئۆرگانەکان دراوە.


لە کۆبوونەوەکەدا، قوباد تاڵەبانی بەشداربووە و لەوبارەیەوە میدیای نزیک لە ماڵی تاڵەبانی لە زاری سەرچاوەیەکی باڵاوە بڵاویکردووەتەوە، "ئامادەبوونی قوباد تاڵەبانی بەمەبەستی ڕاسپاردنییەتی بۆ ئەنجامدانی گۆڕانكاری لە پۆستە باڵاكانی حكومەت، هاوكات هەر لە كۆبوونەوەكەی ئەمڕۆدا باس لە كۆبوونەوەی بەرفراوانی ئەنجومەنی سەركردایەتیش كراوە، بەبێ ئاشكراكردنی وردەكاری زیاتر لەم بارەیەوە. 

 

زیاتر بخوێنەرەوە: پەیامێکی نوێ لە بافڵ تاڵەبانییەوە لەبارەی دوورخستنەوەی لاهور شێخ جەنگی