ناس کورد-
وەزارەتى پێشمەرگە رایگەیاند، چەکدارانى داعش پەلامارى خاڵێکى پێشمەرگەیانداوە لەسنورى پردێ و هێرشەکە لەلایەن پێشمەرگەوە تێکشکێنراوە.
کەناڵی ناس کورد لە تێلیگرام جۆین بکە
بەپێی راگەیەنراوێکى وەزارەتەکە کە دەست "ناس کورد" کەوتووە، هێرشەکەى داعش بۆ سەر خاڵێکی فەوجی۲ی لیوای۱۰ی پیادە بووە.
دەقى راگەیەنراوەکە:
ئەمشەو کاتژمێر١٠:٣٠، تیرۆریستانی داعش پەلاماری خاڵێکی فەوجی۲ی لیوای۱۰ی پیادەیان دا، لە سنوری میحوەری پردێ- دبس، پێشمەرگە ئازاکانمان بەخێرایی لێیان هاتنە دەست و ڕاویان نان، خۆشبەختانە هیچ زیانێک بە پێشمەرگە نەگەیشتووە.
ئەمە بۆ چەندین جارە داعش بۆشایی نێوان هێزی پێشمەرگەو سوپای عێراقی دەقۆزێتەوە بۆ پەلاماردانی هێزەکانی پێشمەرگە.
