گه‌ڕان

Shadow Shadow
سیاسه‌تی

وردەکاریی

ئەمەریکا و ئێران لەسەر دانوستانى ئەتۆمى ڕێککەوتن

2021.11.03 - 22:49
App store icon Play store icon Play store icon
ئەمەریکا و ئێران لەسەر دانوستانى ئەتۆمى ڕێککەوتن

ناس کورد-

 

ئەمەریکا و ئێران گەیشتنیان بەرێککەوتن راگەیاند بۆ دەستپێکردنەوەى دانوستانەکانى پەیوەست بە بەرنامەى ئەتۆمى ئێران، بە ئامانجى زیندوکردنەوەى رێککەوتنى ئەتۆمى.

کەناڵی ناس کورد لە تێلیگرام جۆین بکە   

 

وەزارەتى دەرەوەى ئەمەریکا ئەمڕۆ چوارشەممە رایگەیاند، روبەرت مالى نێردەى تایبەتى ئەمەریکا بۆ ئێران، سەرۆکایەتى شاندى واشنتن دەکات بۆ دانوستانە ئەتۆمییەکان لەگەڵ تاران کە لە 29 ى تشرینى یەکەمدا لە ڤیەننا بەڕێوەدەچێت.

 

لاى خۆیەوە، وەزارەتى دەرەوەى ئێران رایگەیاند، رێککەوتن کراوە لەسەر دەستپێکردنەوەى دانوستانە ئەتۆمییەکان لە 29 ى تشرینى دووەم لە ڤیەننا.

 

عەلى باقرى جێگرى وەزیرى دەرەوەى ئێران لە تویتێکدا رایگەیاند، لەگەڵ رێکخەرى ئەوروپى دانوستانەکانى ڤیەننا قسەیکردووە لەبارەى رێککەوتنى ئەتۆمى و رێککەوتوون لەسەر دەستپێکردنەوەى دانوستانەکان بە ئامانجى هەڵگرتنى سزاکانى سەر ئێران.

 

  وتیشى لە دانوستانەکانى 4+1 لە ڤیەننا جەخت لەسەر هەڵوەشاندنەوەى سزاکانى ئەمەریکا لەسەر ئێران دەکرێتەوە.