گه‌ڕان

Shadow Shadow
سیاسه‌تی

نوێ

نوسینگەی مەسرور بارزانی: دەبێت عەتا سەراوی باجی قسە هەڵبەستراوەکانی بدات

2021.11.03 - 18:43
App store icon Play store icon Play store icon
نوسینگەی مەسرور بارزانی: دەبێت عەتا سەراوی باجی قسە هەڵبەستراوەکانی بدات

ناس کورد- 

نوسینگەی مەسرور بارزانی، سەرۆکوەزیرانی هەرێمی کوردستان ڕوونکردنەوەیەکی بڵاوکردووەتەوە و دەڵێت، "کەسێک بەناوی عەتاوی سەراوی بە شێوازێکی ناڕێک و ئاست نزم، کۆمەڵێک تۆمەتی بێ بنەما و قسەی هەڵبەستراوی ئاراستەی سەرۆکی حکومەتی هەرێمی کوردستان کردووە، دەبێت لە بەردەم دادگادا باجی قسە هەڵبەستراوەکانی بدات."

کەناڵی ناس کورد لە تێلیگرام جۆین بکە   

 

لە ڕوونکردنەوەیەکدا نوسینگەی سەرۆکی حکومەتی هەرێم (چوارشەممە 3ی تشرینی دووەمی 2021) ڕایگەیاند، "کەسێک بەناوی عەتاوی سەراوی کە ئەندامی سەرکردایەتی یەکێتییە، لە چاوپێکەوتنێکدا بە شێوازێکی ناڕێک و ئاست نزم، کۆمەڵێک تۆمەتی بێ بنەما و قسەی هەڵبەستراوی ئاراستەی جەنابی سەرۆکی حکومەتی هەرێمی کوردستان کردووە." 

 

ئاماژەی بەوەشکردووە، "هەرچەند ئەو کابرایە، خۆی ماوەیەک لە مەوبەر بە ئاشکرا ڕایگەیاند، کە لەلایەن هاوسەرۆکێکی پێشووی یەکێتی، هەڕەشەی تیرۆرکردنی لێکراوە، کەچی دەیەوێت بەو تۆمەتانە، بابەتی ژەهردەرخوارددانی سەرکردەکانی حیزبەکەی، لە بیر خەڵک بباتەوە." 

 

ئەوەشی خستووەتەڕوو، "بۆیە لە بەرامبەر تۆمەتە بێ بنەماکانی، ڕێکاری یاسایی دەگرینەبەر و دەبێت لە بەردەم دادگادا باجی قسە هەڵبەستراوەکانی بدات. "