گه‌ڕان

Shadow Shadow
سیاسه‌تی

زانیاریی نوێ لەبارەى ژەهرخواردکردنی مەلا بەختیار بڵاوکرایەوە

2021.10.30 - 13:18
App store icon Play store icon Play store icon
زانیاریی نوێ لەبارەى ژەهرخواردکردنی مەلا بەختیار بڵاوکرایەوە

ناس کورد-

سەرچاوەیەکی نزیک لە مەلا بەختیار ڕایگەیاند، ژەهرخواردکردنی ناوبراو ڕاستە و "تەواوی بەڵگەکان دەخاتە بەردەم ڕای گشتی و یەکێتی و حزبە تێکۆشەرەکانی کوردستان و عێراق و کونسوڵگەریی و باڵیۆزخانەکان."

کەناڵی ناس کورد لە تێلیگرام جۆین بکە   

 

ئەو سەرچاوەیە لە نەخۆشخانەیەکی بەرلینەوە ڕوونکردنەوەیەکی بڵاوکردووەتەوە (30ی تشرینی یەکەمی 2021) و نوسیویەتی، "وەك پیشەی هەمیشەیی، میدیاكان، نەخۆشی مەلا بەختیار، كراوەتە بابەتی دەنگوباس‌ و تۆماری ڤیدیۆیی."

 

دەشڵێت، هەندێك لە هەواڵەكان ڕاستن‌ و هەندێكیشیان ڕاست نین، تا ئێستا بە ڕەسمی بەڕێز مەلا بەختیار، سەبارەت بە ژەهرخواردنەكەی، هیچی نەدركاندووە. بە ڕاوێژ لەگەڵ بەڕێزی، ئەم زانیارییانە بە ڕەسمی بڵاودەكەینەوە.

یەكەم: لە دوو نەخۆشخانەی هەرە پێشكەوتووی ئوردن (الخالدیە) و بەرلین (ڤیڤانتێست) پشكنینی ورد و هەرە زانستی بۆ كراوە، هەردوو نەخۆشخانەكە سەرەنجامی پشكنینی تایبەتی پۆلیس بۆ ئەم تاوانانە، بە بەڵگەی زانستی سەلمێنراو، دەركەوتووە كە بەڕێز مەلا بەختیار بە ژەهری (جیوە) دەردەدار كراوە.

لە گەڕانەوەدا، دوای دوو هەفتە، تەواوی بەڵگەكان دەخاتە بەردەم ڕایگشتی‌ و یەكێتی و حزبە تێكۆشەرەكانی كوردستان ‌و عیراق هەروەها كونسوڵگەریی ‌و سەفارەتەكان.

چاوەڕوانی بە پەلەی دەستەبەجێی كۆبوونەوەی ئەنجومەنی باڵای سیاسی‌ و بەرژەوەندیی یەكێتی‌ و مەكتەبی سیاسی دەكات، سەبارەت بەم تاوانە. دوای ئەوەش، سكاڵا لە دادگای كوردستان تۆمار دەکات، تەنانەت سكاڵا دەگەیەنێتە دادگای وڵاتێكی ڕۆژئاواش، هەروەها ڕێكخراوە مرۆییەكانی جیهانیشی لێ ئاگادار دەكاتەوە.

دووەم: پێش لێكۆڵینەوە، هیچ كەس ‌و لایەك، تۆمەتبار ناكات، بەڵام بەڵگە سەرەتاییەكانی بەردەستی بەڕێزی، كە هەڤاڵان بافڵ تاڵەبانی ‌و د.خەسرەو گوڵ محەمەد‌ و بەرپرسی ئێستای زانیاریی‌ و ژمارەیەك لە هاوڕێی نزیكی خۆیی و خانەوادەكەشی، ئاگادار كردووەتەوە، كە ئەم تاوانە دەمێكە ئەنجامدراوە، كاری دوو مانگ ‌و سێ‌ مانگ نییە.

 

لە کۆتاییدا ئەو سەرچاوەیە دەڵێت، "هەر وەك جەختمان كردووەتەوە، دوای گەڕانەوەی بەڕێز مەلا بەختیار ‌و دوای كۆبوونەوە ڕەسمییەكان، ڕایگشتی ‌و ناوەندە ڕەسمییەكانی دەرەوە و ناوەوە، بە ئاخاوتنی ڕەسمی ‌و نوسراو، ئاگادار دەكاتەوە."