گه‌ڕان

Shadow Shadow
سیاسه‌تی

کەشوهەوا

تەرزە و بەرزبوونەوەى ئاستی ئاو.. قۆناغی دووەمی بارانبارین لە هەرێم

2021.10.30 - 10:41
App store icon Play store icon Play store icon
تەرزە و بەرزبوونەوەى ئاستی ئاو.. قۆناغی دووەمی بارانبارین لە هەرێم

ناس کورد-

بەپێی پێشبینییە کەشناسییەکان، شەپۆلی بارانبارین و هەورەبروسکە لە ناوچە جیاوازەکانی هەرێمی کوردستان بەردەوام دەبێت و چاوەڕێ دەکرێت 5 بۆ 30 ملم باران ببارێت.

کەناڵی ناس کورد لە تێلیگرام جۆین بکە   

 

ئاراس جەبار، کەشناسی دیاری هەرێمی کوردستان (30ی تشرینی یەکەمی 2021) لە ڕوونکردنەوەیەکدا دەڵێت، "لە کاتەکانی ئایندەدا قۆناغی دووھەم لە کاریگەری ئەم نزمەپاڵەپەستۆیە بەشێوەی تاوە بارانی ناوبەناو و ڕوودانی ھەورەتریشقە دەستپێدەکاتەوە بەتایبەت لەم قۆناغەدا کاریگەری زیاتر لەسەر ناوچەکانی سنوری پارێزگای دھۆک و ھەولێر و ئیدارەی راپەرین ئەبێت".

 

دەشڵێت، "لە کاتەکانی شەودا کاریگەری زیاتر قوڵ دەبێتەوە لە ھەر سێ سنورەکەدا، ئاستی بارانبارین زیاددەکات و پێشبینی دەکرێت بەرێژەی 5  تا 30 ملیمەتر زیاتر باران ببارێت، لە ھەندێ ناوچەدا ئەگەری بارینی تەرزە و بەرزبوونەوەی ئاستی ئاو ئەبێت بەشێوەی کاتی".

 

ئاراس جەبار باسی لەوەشکردووە، "سەبارەت بە ناوچەکانی سنوری پارێزگای سلێمانی و ھەڵەبجە و کەرکوک و گەرمیان لەم قۆناغەدا بە گشتی زیاتر لە کاتەکانی ئەمشەودا بۆ بەرەبەیانی سبەینێ یەکشەمە کاریگەری ئەم نزمەپاڵەپەستۆیە دەردەکەوێتەوە، بەھەمان شێوە پێشبینی تاوە بارانی بەخوڕ و ھەورە تریشقەی ناوبەناو ئەکرێت بەرێژەی 5 تا 20 ملیمەتر زیاتر ئەگەری بارانبارین ئەبێت".

 

ڕوونیشیکردووەتەوە کە "لەم قۆناغەدا زۆرترین ڕێژەی باران چاوەروان دەکرێت لە ناوچەکانی سنوری پارێزگای دھۆک و ھەولێر بێت بەتایبەت ناوچە شاخاویەکان".

May be an image of map and sky