گه‌ڕان

Shadow Shadow
سیاسه‌تی

وەک مرۆڤ!

توێژینەوەیەک هەڵسوکەوتێکی سەیری هەنگ بۆ خۆپارێزی لە نەخۆشی ئاشکرا دەکات

2021.10.30 - 08:36
App store icon Play store icon Play store icon
توێژینەوەیەک هەڵسوکەوتێکی سەیری هەنگ بۆ خۆپارێزی لە نەخۆشی ئاشکرا دەکات

ناس کورد-

توێژینەوەیەکی نوێ هەڵسوکەوتێکی سەیری هەنگەکان ئاشکرا دەکات کاتێک شانەکەیان توشی نەخۆشی و مشەخۆرەکان دەبێت.

کەناڵی ناس کورد لە تێلیگرام جۆین بکە   

 

توێژینەوەکە کە توێژەرەوانی زانکۆی کالیفۆڕنیای ئەمریکا بەشدارییان تێدا کردووە و "ناس کورد" بینیویەتی دەڵێت، هەنگەکان ڕێنمایی دورەپەرێزی کۆمەڵایەتی پەیڕەو دەکەن کاتێک توشی مشەخۆرەکانی وەک گەنە (Mite) دەبن، ئەوەش بۆ کەمکردنەوەى ڕێژەی توشبوون.

 

توێژینەوەکە لە گۆڤاری Science Advances بڵاوکراوەتەوە و ئاماژە بەوەدەکات، پەیوەندی و هەماهەنگی بەشی ناوەوە و بەشی دەرەوەی شانەی هەنگ لەکاتی توشبوون بە نەخۆشی و پەتا زۆر کەمتر دەبێتەوە، ئەوەش زیاتر بۆ پاراستنی شاژن و بێچووەکانە.

 

باسیان لەوەشکردووە کە "لەکاتی بڵاوبوونەوەى نەخۆشی و پەتا، هەنگەکان جێگۆڕکێ دەکەن، ئەوانەی تەمەنیان هەیە دەچنە چواردەورەکانەوە و شاژن و هەنگە بێچووەکانیش دەچنە ناوەڕاستی شانە."

 

دکتۆرە میشلینا بوسیددو، یەکێک لە نوسەرانی سەرەکی توێژینەوەکە بە ڕۆژنامەی "ئیندیپێندنتی" وتووە، "پەیڕەوکردنی دورەپەرێزی کۆمەڵایەتی لەلایەن هەنگەکانەوە لەکاتی توشبوونیان بە مشەخۆری و پەتا جێگەی سەرسوڕمانە کە چۆن هەنگەکان خۆیان لە نەخۆشییەکان دەپارێزن."

 

ڕوونیشیکردەوە کە "کەمکردنەوەى پەیوەندییە کۆمەڵایەتییەکانیان لەکاتی نەخۆشیدا هاوکار دەبێت بۆ کەمکردنەوەى مەترسی پەتا و نەخۆشییەکان."