گه‌ڕان

Shadow Shadow
سیاسه‌تی

نوێنەرێكی تایبەت سەردانی كردووە

ناوەڕۆكی پەیام گۆڕینەوەیەكی خامنەیی و سەدر ئاشكرا كرا

2021.10.28 - 13:12
App store icon Play store icon Play store icon
ناوەڕۆكی پەیام گۆڕینەوەیەكی خامنەیی و سەدر ئاشكرا كرا

ناس كورد-

 

سەرچاوەیەكی سوپای پاسدارانی ئێرانی ئاشكرای كرد موقتەدا سەدری سەرۆكی ڕەوتی سەدر بانگهێشتنامەیەكی عەلی خامنەیی ڕەتكردووەتەوە بۆ سەردانی تاران و كۆبوونەوە لەگەڵ سەركردەكانی تری شیعە.

کەناڵی ناس کورد لە تێلیگرام جۆین بکە   

 

رۆژنامەی ئەلجەریدەی كوەیتی لە ڕاپۆرتە هەواڵێكدا (28ی تشرینی یەكەمی 2021) كە "ناس كورد" بینیویەتی لە زاری سەرچاوەكەی سوپا بڵاویكردەوە نوێنەرێكی تایبەتی خامنەیی سەردانی سەدری كردووە وەك براوەی یەكەمی هەڵبژاردن و بانگهێشتی تارانی كردووە، بەڵام سەدر پێی ڕاگەیاندووە لە ئێستادا سەردانی تارانی پێ باش نییە و كەی حكومەت پێكهێنرا ئەوكات خۆشحاڵە بەو سەردانە. 

 

سەرچاوەكە ئەوەشی ئاشكراكردووە نوێنەرەكەی خامنەیی مەترسی ئێرانیان لە ئەگەری هەڵگیرسانی جەنگی ناوخۆیی شیعە بە سەدر ڕاگەیاندووە و داوای پێكهاتن و هێوربوونەوەیان لە هەموولا كردووە لەسەر بنەمای سازان نەك ژمارەی كورسی. 

 

هەر بەگوێرەی سەرچاوەكە نوێنەرەكەی خامنەیی باسی لەوەكردووە بۆ پاراستنی ژیانی سەدر باشترە بچێتە تاران، بەڵام ئەویش وتوویەتی ئەگەر زانیاریتان هەیە ئیسرائیل پلانی تیرۆری سەركردەكانی شیعەی هەیە بۆ بەشەڕدانی لایەنگرانیان بۆچی هەر من بانگهێشت دەكەن بۆ تاران؟