گه‌ڕان

Shadow Shadow
سیاسه‌تی

زانیارى زیاتر

وەڵامێکى توند لە پارتییەوە: دەست لەکار بکێشنەوە

2021.10.26 - 19:24
App store icon Play store icon Play store icon
وەڵامێکى توند لە پارتییەوە: دەست لەکار بکێشنەوە

ناس کورد-

 

فراکسیۆنى پارتى لەپەرلەمانى کوردستان رایگەیاند، هەرکەسێک زۆرینەى پەرلەمانى ئەوانى پێ هەزم ناکرێت بادەستلەکاربکیشێتەوە، لە وەڵامێکدا بۆ رێواز فایەق سەرۆکى پەرلەمان و ژمارەیەک پەرلەمانتار کە زۆرینەى پەرلەمانییان بە "ساختە" ناوبردبوو.

 

کەناڵی ناس کورد لە تێلیگرام جۆین بکە   

 

زانا مەلا خالید سەرۆکى فراکسیۆنى پارتى لە کۆنفرانسێکى رۆژنامەنوسیدا وتى "هەر کەسێک لەناو پەرلەمانى کوردستان کە زۆرینەى شەرعى پارتى پێ هەزم ناکرێت و پێیوایە شەرعى نییە، واباشترە بۆ ئیحتیرامى شەخسى خۆى دەستلەکاربکێشێتەوە".

 

لەکۆبوونەوەى ئەمڕۆى پەرلەماندا پرسی "زۆرینەى پەرلەمانى پارتى" بووەوە جێگەى مشتومڕ و بەشێک لە پەرلەمانتاران قسەکەى رێواز فایەقیان دوبارە کردەوە کە ئاماژەى بەوەکردبوو ئەو زۆرینەیە "ساختەیە".

 

لە بانگەشەى هەڵبژاردنى پەرلەمانى عێراق و لە وەڵامى نێچیرڤان بارزانیدا، رێواز فایەق سەرۆکى پەرلەمان زۆرینەى پەرلەمانى پارتى بە "زۆرینەى ساختە" ناوبرد، ئەوەش کاردانەوەى زۆرى لێکەوتەوە.