گه‌ڕان

Shadow Shadow
سیاسه‌تی

زانیاریی زیاتر

هەرێم و بەغدا یاسای هاتوچۆ یەکدەخەن بۆئەوەى سەرپێچی هەردوولا کۆبکرێتەوە

2021.10.23 - 09:43
App store icon Play store icon Play store icon
هەرێم و بەغدا یاسای هاتوچۆ یەکدەخەن بۆئەوەى سەرپێچی هەردوولا کۆبکرێتەوە

ناس کورد-

بەڕێوەبەرایەتی گشتیی هاتوچۆی عێراق بەنیازە لە چوارچێوەی یاسایەکی نوێدا، یاسای هاتوچۆ هەموار بکاتەوە و یەکی بخات لەگەڵ هەرێمی کوردستاندا.

کەناڵی ناس کورد لە تێلیگرام جۆین بکە   

 

تاریق ئیسماعیل ئەلروبەیعی، بەڕێوەبەری گشتیی هاتوچۆی عێراق لە لێدوانێکیدا بۆ ڕۆژنامەی فەرمی "سەباح" کە ناس کورد بینیویەتی (23ی تشرینی یەکەمی 2021) دەڵێت، "بەڕێوەبەرایەتییەکە سەرقاڵی نوسینی ڕەشنوسی یاسایەکی یەکگرتووە لەنێوان حکومەتی فیدڕاڵ و حکومەتی هەرێم، ئەوەش بە هەموارکردنەوەى یاسای ژمارە 8ی ساڵی 2019."

 

ڕوونیشیکردەوە کە "ڕەشنوسی یاسا نوێیەکە ڕێنمایی یەکگرتوو لەخۆدەگرێت لەبارەى سەرپێچی و ڕسومات و تۆمارکردن."

 

ئەلرووبەیعی وتیشی، "لیژنەیەک بە سەرۆکایەتی بەڕێوبەرایەتی پێکدەهێنرێت بۆ ئامادەکردنی ڕەشنوسەکە کە تیشک دەخاتە سەر کەمکردنەوەی بارگرانی لەسەر خاوەنی ئەو ئۆتۆمبێلانەى تابلۆی پارێزگاکانی هەرێمی کوردستانیان لەسەرە لەکاتی تۆمارکردنی ئۆتۆمبێلەکانیان و هەروەها دانی ئەو سەرپێچییانەی کە زیاد دەبێت لەسەریان ئەگەرهاتوو نەیدەن، هەروەها کەمکردنەوەى بارگرانی هاتن و چوونی ئۆتۆمبێلەکان بۆ هەرێمی کوردستان."

 

باسی لەوەشکرد کە "ئەو کارنامەی لەگەڵ حکومەتی هەرێم ئامادەکراوە هاوکار دەبێت بۆ ئاسانکاریی ڕێکارەکانی تۆمارکردنی ئۆتۆمبێل و ئەنجامدانی سەرپێچییەکان، بەشێوەیەک پسوڵەی بەڕێوەبەرایەتییە گشتییەکانی هاتوچۆ (عێراق) دەدرێت بە هاتوچۆی هەرێم بە مەبەستی سەپاندنی سەرپێچی بەسەر ئەو ئۆتۆمبێلانەی خاوەنی تابلۆی پارێزگاکانی خوارو و ناوەڕاستن و سەرپێچی دەکەن، هەروەها بە پێچەوانەشەوە."

 

ئەلڕوبەیعی جەختی کردەوە کە لە ماوەیەکی زۆر نزیکدا کار بەوە دەکرێت.