گه‌ڕان

Shadow Shadow
سیاسه‌تی

نوێ

کۆمسیۆن بڕیاریدا دەنگەکانی وێستگەیەکی هەولێر دووبارە بژمێردرێتەوە

2021.10.21 - 20:03
App store icon Play store icon Play store icon
کۆمسیۆن بڕیاریدا دەنگەکانی وێستگەیەکی هەولێر دووبارە بژمێردرێتەوە

ناس کورد- 

 

کۆمسیۆنی باڵای سەربەخۆی هەڵبژاردنەکان حەوت سکاڵای تایبەت بە هەڵبژاردنەکانی پەسەند کرد کە یەکێکیان لە هەولێرە و بەهۆیەوە دەنگی حەوت وێستگە بە دەستی دەژمێردرێتەوە و ئەوەش ئەگەری گۆڕانکاریی نوێ لە ئەنجامی هەڵبژاردنەکاندا دروست دەکات.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا کۆمسیۆنی باڵای سەربەخۆی هەڵبژاردنەکان (پێنجشەممە 21ی تشرینی یەکەمی 2021) ڕایگەیاند، ئەمڕۆ پێنجشەممە دەستیکرد بە لێکۆڵینەوە و بەدواداچوون بۆ ئەو سکاڵایانەی لەلایەن کاندید و لایەنەکانەوە سەبارەت بە پێشێلکارییەکانی هەڵبژاردن ئاڕاستەیان کرابوو کە 181 سکاڵا بوون. 

 

ئاماژەی بەوەشکردووە، لە کۆی ئەو سکاڵایانە 174 سکاڵایان ڕەتکرانەوە و حەوت سکاڵاشیان قبوڵ کران کە بەمشێوەیەن، بەغدا دوو سکاڵا، نەینەوا سێ سکاڵا، هەولێر یەک سکاڵا و بەسڕە یەک سکاڵا. 

 

ئەوەشی خستووەتەڕوو، بەو هۆکارە و بەپێی مادەی 38 لەیاسای هەڵبژاردنەکانی عێراق، دەنگی ئەو وێستگانەی ئەو حەوت سکاڵایە دەیانگرێتەوە بە دەستی و بە ئامادەبوونی نوێنەری کاندید و لایەنە ڕکابەرەکان دەژمێردرێنەوە.