گه‌ڕان

Shadow Shadow
سیاسه‌تی

بەدواداچوونى ناس

گۆڕانکاریی گەورە..80%ى پەرلەمانى داهاتوو کەسانى نوێن

2021.10.19 - 18:07
App store icon Play store icon Play store icon
گۆڕانکاریی گەورە..80%ى پەرلەمانى داهاتوو کەسانى نوێن

ناس کورد-

 

هەڵبژاردنى پێشوەختەى پەرلەمان زیاتر لە 265 کاندیدى نوێ دەباتە پەرلەمان کە بۆ یەکەمجاریانە ببەنە پەرلەمانتار، بەوەش زیاتر لە 80%ى خولى پێنجەم پەرلەمانتارى نوێ دەبن، ئەوەش بەپێی بەدواداچوونى "ناس" بۆ ئەنجامى هەڵبژاردن.

کەناڵی ناس کورد لە تێلیگرام جۆین بکە   

 

بەپێی بەدواچوونى "ناس" کەمتر لە 65 پەرلەمانتارى خولى چوارەم توانیان پارێزگارى لەکورسییەکانیان بکەن بۆ خولى پێنجەم، ئەوانەى تر سەرجەمیان کەسانى نوێن کە دەبنە پەرلەمانتار.

  

لەسەر ئاستى پارێزگاکان، ئەنجامى هەڵبژاردن دەریدەخات گەورەترین گۆڕانکاریی لە پارێزگاى نەجەف بووە کە سەرجەم پەرلەمانتارانى خولى چوارەم گۆڕدراون بە کەسانى نوێ.

 

هەروەها لە پارێزگاى موسەننا، جگە لە فالح سارى پەرلەمانتار کە پارێزگارى لە کورسییەکەى کرد، سەرجەم پەرلەمانتارەکانى دیکە کەسانى نوێن کە هەڵبژێردراون.  

 

گۆڕانکارییەکە زیاتر بەهۆى یاساى نوێی هەڵبژاردنەکانەوە روویداوە کە بۆ ئەم هەڵبژاردنە پشتى پێبەسترا، بەپێچەوانەى یاساکەى پێشووەوە کە گۆڕانى لەو شێوەیەى لێنەکەوتەوە لە هەڵبژاردنەکانى پێشوودا.

    

 سەربارى ئەو گۆڕانکارییە، ئەگەر هەیە ژمارەیەک کاندیدى دیکەى دۆڕاو سەربکەون بۆ پەرلەمان، ئەگەر پەرلەمانتاران پۆستى حکومى لەکابینەى نوێدا وەربگرن، چونکە بەپێی یاساى هەڵبژاردن هەر پەرلەمانتارێک پۆست وەربگرێت کورسییەکەى دەڕوات بۆ ئەو دۆڕاوەى زۆرترین دەنگى هەیە لەسەر ئاستى سەرجەم کاندیدەکانى ئەو بازنەیە نەک تەنها کاندیدەکانى ئەو حزب یان هاوپەیمانێتییە.