ناس کورد-
چاوەڕواندەکرێت سبەینێ شاندێکى باڵاى پارتى بگاتە سلێمانى بۆ ئەنجامدانى گفتوگۆ لەگەڵ لایەنەکان لەبارەى پرسی پێكهێنانی كابینەی نوێی حكومەتی عێراق و تاوتوێکردنی كارنامەیەكی هاوبەشی کوردستانی.
کەناڵی ناس کورد لە تێلیگرام جۆین بکە
شاندەکەى پارتى لەلایەن فازڵ میرانی یەوە سەرۆکایەتى دەکرێت، بەئەندامێتى مەحموود محەمەد، ئەندامی مەکتەبی سیاسی و وته‌بێژی پارتی و عەلی حوسێن ئەندامی سەرکردایەتی پارتی، ئەوەش بەپێی میدیاى سەر بە مەسرور بارزانى.
شاندەکە دواى گەیشتنى سبەینێ لەگەڵ هەریەک لە یەكێتی نیشتمانی کوردستان و بزووتنەوەی گۆڕان کۆده‌بێته‌وه، دواتر سەردانى یەکگرتوو، کۆمەڵی دادگەری، بزووتنەوەی ئیسلامی و حزبی سۆسیالیست دەکات.
مەبەست لە سەردانی ئەو شاندەی پارتی بۆ سلێمانی گفتوگۆکردن و تاوتوێکردنی كارنامەیەكی هاوبەشی کوردستانییە بۆ بەغدا.
