گه‌ڕان

Shadow Shadow
سیاسه‌تی

ئاگادارییەک لە کۆمسیۆنەوە لەبارەى ئەنجامی هەڵبژاردنەکان

2021.10.15 - 20:28
App store icon Play store icon Play store icon
ئاگادارییەک لە کۆمسیۆنەوە لەبارەى ئەنجامی هەڵبژاردنەکان

ناس کورد-

کۆمسیۆنی باڵای سەربەخۆی هەڵبژاردنەکانی عێراق لەبارەى ئەنجامی ئەو وێستگانەی بە دەستی جیادەکرێنەوە دەڵێت، ئەو ئەنجامەی ئێستا لەسەر ماڵپەڕەکەیان هەیە لە هۆڵی جیاكردنەوەی دەنگەکانی "جندی مجهول" پێیان گەیشتووە.

 

کەناڵی ناس کورد لە تێلیگرام جۆین بکە   

 

کۆمسیۆنەکە لە ڕوونکردنەوەیەکدا (15ی تشرینی یەکەمی 2021) دەڵێت، ، "پیشتر ئەو ئەنجامانە داخڵ نەكرابوون لەو ئەنجامی بەرایی كە 11 تشرینی یەكەم ڕاگەیەنرا"

 

جەختی کردووەتەوە کە "ئەنجامەكان كۆدەكرێنەوە لەگەڵ بەراییەكان و لەكاتی تەواوبوونی داخڵكردنیان لە ئۆفیسی نیشتمانی، بەیەكجاری هەمووی ڕادەگەیەنرێت."

 

بەڵام ڕوونکردنەوەکەی کۆمسیۆن هیچ ئاماژەیەکی بە کاتی بڵاوکردنەوەى ئەنجامی کۆتایی نەداوە، بەڵام ڕاوێژکاری سەرۆک وەزیرانی عێراق بۆ کاروباری هەڵبژاردن جەختی کردەوە کە ئەمڕۆ هەینی کۆمسیۆن ئەنجامی کۆتایی هەڵبژاردنەکان ئاشکرا دەکات دوای بە دەست ژماردنەوەى چەندین سندوق.

 

حسێن هینداوی لە لێدوانێکیدا بۆ میدیای فەرمی عێراق ڕایگەیاندووە، ئەمڕۆ هەینی (15ی تشرینی یەکەمی 2021) ئەنجامی كۆتایی هەڵبژاردنی پەرلەمانی عیراق ئاشكرا دەكرێت.

 

ڕوونیشیکردەوە کە "ئەنجامەكان جیاوازیەكی ئەوتۆیان لەگەڵ ئەو ئەنجامانەدا نییە كە پێشتر وەكو بەرایی ئاشكرا كرابوون".


دەشڵێت، "ئەو ڕێكارانەی كۆمیسیۆن جێبەجێی دەكات بۆ ڕەوینەوەی ئەو گومان و ڕەخنانەیە كە لە پرۆسەكە كراوە".


باسی لەوەشكردوە، "هیچ ساختەكاریەك نەكراوە و پرۆسەكە سەركەوتوو بووە".