گه‌ڕان

Shadow Shadow
سیاسه‌تی

بکوژەکە دەستگیرکرا

 ’’هاوسەرەکەى هاوكارى بکوژەکەى كردووە’’..پاسەوانەکەى لقى پارتى لەهەڵەبجە چۆن کوژرا؟

2021.10.08 - 10:00
App store icon Play store icon Play store icon
 ’’هاوسەرەکەى هاوكارى بکوژەکەى كردووە’’..پاسەوانەکەى لقى پارتى لەهەڵەبجە چۆن کوژرا؟

ناس کورد-

 

پۆلیسى هەڵەبجە وردەکاریی کوژرانى پاسەوانى لقى پارتى ئاشکراکرد و رایگەیاند، هاوسەرى کوژراوەکە "هاوکاریی" بکوژەکەى کردووە کە ئێستا دەستگیرکراوە.

کەناڵی ناس کورد لە تێلیگرام جۆین بکە   

 

بەرزان عوسمان وتەبێژى پۆلیسى هەڵەبجە ئەمڕۆ لە کۆنفرانسێکى رۆژنامەنوسیدا باسى لەوەکرد، تۆمەتبارى سەرەکى رووداوەکە  لەلایەن بنکەی پۆلیسی سیروان بە هاوکاری هێزەکانی ئاسایش دەستگیرکراوە و دانی بە تاوانەکەدا ناوە.

 

وتیشى "پێشتر تێکەڵاوی لەنێوان بکوژ و تاوان لێکراودا هەبووە".

 

بەوتەى وتەبێژى پۆلیسى هەڵەبجە، دوای دروستبوونى کێشە لەنێوانیان، بکوژەکە ماوەی ساڵێک بووە پیلانی کوشتنی فوئادی داناوە و لەگەڵ هاوسەری کوژراوەکە باسیکردووە، ئەویش هاوکاریکردووە بۆ کوشتنی.

 

پۆلیس دەڵێت، هۆکارى کێشەى نێوانیان ئەوە بووە، فواد لەرێگەى ڤیدیۆ و ماسنجەر و فەیسبوکەوە قسەى پێوتووە، بکوژەکە لەدڵى گرتووە و بڕیاریداوە فوئاد بکوژێت، بۆ ئەوەش لەگەڵ هاوسەرى فوئاد قسەیکردووە کە نیازى کارێکى لەو شێوەیەى هەیە، ئەویش دانى بەوەداناوە کە هاوکارى کردووە.

 

"هاوکارییەکە بەجۆرێک بووە کە شەوى رووداوەکە بەناوى بردن بۆ وەرگرتنى سلفە فوئادى لەماڵەوە هێناویەتە دەرەوە و کاتژمێر دووى شەو بە جادەیەکى خۆڵدا رۆیشتوون تا لەبازگە نەدەن، لەوێوە بردویەتى بۆ ناحیەى سیروان و دواتر بکوژەکە ئۆتۆمبێلەکەى کوژاندووەتەوە و وتویەتى لەکارکەوتووە با پێکەوە سەیرى بکەین.

 

دواى دابەزینیان و هەڵدانەوەى بۆنیتى ئۆتۆمبێلەکە بەوتەى پۆلیس، بکوژەکە بە ئۆتۆمبێلەکەى فوئادى شێلاوە و بۆ دڵنیابوونەوە لە مردنى چوار بۆ پێنج جار بەسەریدا رۆیشتووە، دواى دڵنیابوونەوە لە مردنى جێیهێشتووە.

 

بەڕێوەبەرایەتی پۆلیسی هەڵەبجە (سێشەممە 5ی تشرینی یەکەمی 2021) ڕایگەیاند، "سەرلەبەیانی سێشەممە تەرمی پۆلیسێکی لقی 12ی پارتی دیموکراتی کوردستان لە ناحیەی سیروان، لە نزیک بەڕێوەبەرایەتی هاتوچۆی هەڵەبجە بە کوژراوی دۆزرایەوە."   

  

ئاماژەی بەوەشکردووە، "تەرمی کوژراوەکە گواستراوەتەوە بۆ پزیشکی دادی هەڵەبجە و لێکۆڵینەوەش لە ڕووداوەکە دەستیپێکردووە."