گه‌ڕان

Shadow Shadow
سیاسه‌تی

’’خوێنى نییە’’

هاتوچۆ و کەسوکارەکەى قسەى نوێ لەسەر گیان لەدەستدانى دیلان دەکەن

2021.10.07 - 13:55
App store icon Play store icon Play store icon
هاتوچۆ و کەسوکارەکەى قسەى نوێ لەسەر گیان لەدەستدانى دیلان دەکەن

ناس کورد-

 

کەسوکارى دیلان کۆچەر لەو شۆفێرە خۆش بوون کە کچەکەیانى شێلا لە شەقامى 120ى هەولێر، هاتوچۆش دەڵێت ئەوەى لەو شەقامە بپەڕێتەوە خوێنى نییە.

کەناڵی ناس کورد لە تێلیگرام جۆین بکە   

 

کۆچەرعەبدوڵڵا باوکى دیلان، ئەمڕۆ پێنجشەممە (7ى تشرینى یەکەمى 2021) بە "ناس کورد" ى ڕاگەیاند، "ئێمە سکاڵامان لە سەر ئەو شۆفێرە نیە کە دیلانى کردووە بە ژێرەوە لە بەر ئەوەى قەزا و قەدەرە، ئەمڕۆ کەسێکمان ناردووە بۆ بنکەى پۆلیس بۆ ئەوەى ئازاد بکرێت".

 

ئاماژەى بەوەشکرد، سکاڵایان لەسەر فازڵ حاجى وتەبێژى هاتوچۆى هەولێر نییە لەبەرئەوەى خەڵکى ناردووە بۆ لایان کە مەبەستى لەو پۆستەى کە کردوویەتى ئەوە بووە شەقامى تیژڕەو شوێنى پەڕینەوە نییە مەگەر یەکێک بیەوێت خۆى بکوژێت.

 

هەر لەو بارەیەوە، فازڵ حاجى وتەبێژى هاتوچۆى هەولێر بە ناس کورد-ى ڕاگەیاند، "لە یاساى هەموو وڵاتاندا هاتوە شەقامى تیژڕەو و سیاجکراو شوێنى پەڕینەوە نیە ئەگەر ڕوداوى نەخوازراو ڕووبدات پیادەڕەو کەمتەرخەمە نەک شۆفێر و پیاەدەڕۆکە خوێنى نییە". 

 

دیلان کۆچەرى تەمەن 21 ساڵ لە قۆناغى سێیەمى کۆلێژى بزسنسى زانکۆى جیهان دەیخوێند، رۆژى سێشەممە، 5ى تشرینى یەکەمى 2021، لە کاتى پەڕینەوەى لە شەقامى 120ى هەولێدا ئۆتۆمبێل لێى دا و هەر لەوێدا گیانی لەدەستدا.  

 

دوای رووداوەکە، فازل حاجى لە ڕاگەیاندنى هاتوچۆى هەولێر ڕایگەیاند، گومان دەکرێت گیانلەدەستدانى دیلان خۆکوژی بێت.  

  

بەڵام کۆچەر عەبدوڵڵا باوکى دیلان چوارشەممە (6ى تشرینى یەکەمى 2021) بە "ناس کورد"ى ڕاگەیاند، "دیلان دوێنێ لە زانکۆ گەڕاوەتەوە و سەیارە لێداوە، شتەکە قەزا و قەدەر بووە، ئەو هەواڵانە دوورن لە ڕاستیەوە کە دەڵێن خۆکوژى بووە".  

  

ئاماژەى بەوەشکرد، "دیلان کچێکى بێ کێشە بووە، چەندین جار خوازبێنێکارى هاتووە خۆى ڕەدى کردوەتەوە چونکە زۆر حەزى لە خوێندن بووە لە ماستەردا."