گه‌ڕان

Shadow Shadow
سیاسه‌تی

’’گەڕانەوەى ژنان بۆ لاى مێردەکانیان’’

پیاوێک 33 جار هاوسەرگیریی مارە بەجاش ی كردووە

2021.10.07 - 10:28
App store icon Play store icon Play store icon
پیاوێک 33 جار هاوسەرگیریی  مارە بەجاش  ی كردووە

ناس کورد-

 

هاوڵاتییەکى میسرى رایگەیاند، 33 جار هاوسەگیریی کردووە بە ڕێگای "مارە بەجاش" لەپێناو گەڕانەوەى ژنان بۆ لاى مێردەکانیان دواى ئەوەى تەڵاق درابوون، مامۆستایەکى ئەزهەریش دەڵێت ئەو جۆرە هاوسەرگیرییانە بەتاڵن.

کەناڵی ناس کورد لە تێلیگرام جۆین بکە   

 

محەمەد مەلاح کە خۆى وەک چارەسەرکارێکى شەرعى دەناسێنێت لەچاوپێکەوتنێکى تەلەفزیۆنیدا كە "ناس كورد" بینیویەتی (7ی تشرینی یەكەمی 2021) وتى "بەشێوەى خۆبەخش ئەو کارەم کردووە بەبێ هیچ بەرانبەرێک".

 

لاى خۆیەوە، د.مەبروک عەتیە مامۆستا لە زانکۆى ئەزهەر ئەو کارەى ئەو کەسەى رەتکردەوە و وتى "لەئیسلامدا هاوسەرگیریی مەرجى خۆى هەیە و وادەى دیاریکراوى نییە، لەکاتى تەڵاقدا شەرع مۆڵەتى پیاوەکە دەدات بچێتە لاى ژنەکەى تا سێ جار، بەڵام دواى ئەوە رێگەى پێنادرێت".

 

وتیشى ئەو جۆرە هاوسەرگیرییە بەتاڵە، لەگەڵ گەڕانەوەى ژنەکە بۆلاى هاوسەرەکەى بەو ڕێگەیە، ئەوە کارى شەیتانە.

 

مارەبەجاش جۆرێك لە هاوسەرگیری كاتییە، هەندێك لە مامۆستایانی ئاینی پەنای بۆ دەبەن بەمەبەستی چاككردنەوەی تەڵاقی كەوتوی "سێ بەسێ"، بەگوێرەی ئەم هاوسەرگیرییە ژنەكە بۆ شەوێك لە كەسێك مارە دەكەن بەو مەرجەی سبەی تەڵاقی بدات و حەڵاڵ ببێتەوە بۆ مێردەكەی خۆی كە تەڵاقی لێی كەوتووە. 

 

ئەم جۆرە هاوسەرگیرییە جێگەی مشتومڕە و زۆرینەی هەرە زۆری زانایانی ئاینی بە فێڵ و حەرام لەقەڵەمی دەدەن چونكە مەرجی هاوسەرگیری ئەوەیە كات و وادەی تیا نەبێت و نیازی تەڵاقی تێدا نەبێت، هەروەها لەدوای جیابوونەوە ژن دەبێت چەند مانگێك چاوەڕێ بكات بۆ دڵنیابوونەوە لەوەی سكپڕ نییە لە مێرەدەكەی ئەمانەش لە هاوسەرگیری "مارەبەجاش" دا نییە.