گه‌ڕان

Shadow Shadow
سیاسه‌تی

’’بژاردەى قورس’’

ناوەڕۆکى دانپێدانانەکانى بەرپرسەکەى پێشووى فەیسبوک

2021.10.05 - 23:31
App store icon Play store icon Play store icon
ناوەڕۆکى دانپێدانانەکانى بەرپرسەکەى پێشووى فەیسبوک

ناس کورد-

 

فرانسيس هوجين بەرپرسى پێشوو لەفەیسبوک کە چەند بەڵگەنامەیەکى ئەو تۆڕە کۆمەڵایەتییەى دزەپێکرد لەبەردەم کۆنگرێسى ئەمەریکا قسەیکرد و چەندین زانیارى نهێنى خستەڕوو.

کەناڵی ناس کورد لە تێلیگرام جۆین بکە   

 

هوجین لە چاوپێکەوتنێکدا لەگەڵ تۆڕى "سی بى ئیس" وتى "فەیسبوک کۆنترۆڵى ژیانى ملیۆنان کەسى کردووە، خستونیەتیە بەردەم بژاردەى قورسەوە، یان دەبێت کات بەسەرببەن لەگەڵ هەموو لایەنەکانى ئەو تۆڕە لەگەڵ پێویستى قبوڵکردنى کاریگەرى نەرێنى، یان شتەکانیان لەدەستدەدەن".

 

وتیشى "مامەڵەکانى فەیسبوک لەبارەى تایبەتمەندیی و سەلامەتى منداڵان و ئامرازەکانى مامەڵەکردن لەگەڵ ئەو پۆستانەى ناوەڕۆکەکانیان رەواییدانە بەبازرگانیکردن بە مرۆڤ مەترسییەکى گەورەیە لەسەر ژیانى بەکارهێنەران".

 

هوجین باسى لەوەشکرد، هۆکارى پشت دزەپێکردنى بەڵگەنامەکان بۆ سەلماندنى ئەوە بووە کە فەیسبوک بەکردەیی هەستاوە بە شێواندنى بیروڕاى خەڵک لەبارەى سەلامەتى منداڵ، وردى لە سیستەمى زیرەکى دەستکرد.

 

دەشڵێت، مارک زوکەربێرگ پارێزگارى لە پشکى 55% ى کۆى گشتى هێزى دەنگدان دەکات لەبڕیارەکانى ئەنجومەنى بەرێوەبردن، بڕیارەکانى پەیوەست بە خزمەتگوزاریی و کێشەکان بەشێوەیەکى سەرەکى پشت دەبەستێت بەو زانیارییانەى لەبەکارهێنەرانەوە کۆدەکرێنەوە.

 

بەوتەى ئەو بەرپرسەى پێشووى فەیسبوک، 600 هەزار هەژمارى منداڵى خوار تەمەن یاسایی لەو تۆڕە بوونى هەیە، بەڵام کۆمپانیاکە وەک کەسانى پێگەیشتووە مامەڵەیان لەگەڵدا دەکات.