گه‌ڕان

Shadow Shadow
سیاسه‌تی

ڕاپۆرتی شۆک!

پیاوانی ئاینی کڵێسای فەڕەنسا 216 هەزار منداڵیان لاقە کردووە

2021.10.05 - 14:49
App store icon Play store icon Play store icon
پیاوانی ئاینی کڵێسای فەڕەنسا 216 هەزار منداڵیان لاقە کردووە

ناس کورد-

لە ماوەی حەفتا ساڵی ڕابردوودا، زیاتر لە 216 هەزار منداڵ کە زۆربەیان کوڕ بوون ڕووبەڕووی دەستدرێژیی سێکسی بوونەتەوە لەسەر دەستی پیاوانی ئاینی کەنیسەی کاسۆلیکی فەڕەنسا، ئەوەش بەپێی ڕاپۆرتی کۆتایی لیژنەی لێکۆڵینەوەی سەربەخۆ کە ئەمڕۆ سێشەممە ئەنجامەکەى بڵاوکردەوە.

کەناڵی ناس کورد لە تێلیگرام جۆین بکە   

 

ڕاپۆرتەكە كە ڕۆیتەرز بڵاوی كردووەتەوە و "ناس كورد" بینیویەتی (5ی تشرینی یەكەمی 2021) لەلایەن لیژنەیەكی سەربەخۆوە ئامادەكراوە و داوای لێبوردن دەكات لە قوربانییەكان.

 

لەپاش بڵاوبوونەوەی ڕاپۆرتەكەش، كڵێسای كاسۆلیكی فەڕەنسی ڕایگەیاند کە "هەست بە شەرمەزاری و شۆك دەكات" و داوای لێبوردن دەكات لە قوربانییەكان یەك بەیەكیان.

 

ئێریك دۆمۆلان، سەرۆكی كۆمەڵگای ئەسقوفەكانی فەرەنسا دانی ناوە بەوەی دەستدرێژیكاران پیاوانی ئاینی بوون و لە نێوان 1950 بۆ 2020 دەستدرێژییەكانیان بۆسەر منداڵان ئەنجام داوە.

 

سەرۆكی لیژنەی لێكۆڵینەوەش پێیوایە قوربانییەكان دەگەن 330 هەزار منداڵ ئەگەر سەرجەم كارمەندانی كڵێسا ئەژمار بكەیت لە مامۆستایان و كارمەندانی ڕێكخراوەكان.

 

لە ڕاپۆرتەکەدا ئەوەش دەرکەوتووە کە "دوو هەزار و 900 بۆ سێ هەزار و 200 ئەنجامدەری تاوانەکانی دەستدرێژی بۆسەر منداڵان پیاوانی ئاینی کەنیسەکان بوون."

 

لیژنەكە لە ساڵی 1918 پێكهاتووە و سەرۆكەكەی كڵێساكان بەوە تاوانبار دەكات خەمساردبوون لەئاست تاوانەكانی دەرهەق بەمنداڵان تا ساڵی 2015.