گه‌ڕان

Shadow Shadow
سیاسه‌تی

وردەکاریی

یەكەم شەڕ لەسەر ئاو هەڵگیرسا لە باشوری عێراق

2021.10.03 - 18:29
App store icon Play store icon Play store icon
یەكەم شەڕ لەسەر ئاو هەڵگیرسا لە باشوری عێراق

ناس کورد-

دەیان كەسایەتی كۆمەڵایەتی و خەڵكی ئاسایی لە پارێزگای میسان بە زەبری هێز ڕاڕەوی ڕوبارێكیان گۆڕی كە لەبری شارەكەیان بەرەو پارێزگای بەسرە دەڕوات بۆ پاڵنانی سوێراوی شەتولعەرەب بەرەو كەنداوی عەرەبی. 

کەناڵی ناس کورد لە تێلیگرام جۆین بکە   

 

بەگوێرەی ئەو دیمەن و زانیارییانەی "ناس كورد" بینیویەتی (3ی تشرینی یەكەمی 2021) سویچی جۆگەلەكانی ڕووبارەكە لەناوچەی كەحلایە و لە شاری عمارە و جوتیارانی ئەو ناوچەیە سكاڵای ئەوەیان هەیە وشكەساڵی تەنگی بە مەزرا و هۆڕەكان و حەوزی ماسییەكان هەڵچنیوە و ناچاربوون بەزۆر ئاوەكە بەلای خۆیاندا دابشكێنن. 

 

وەزارەتی سەرچاوە ئاوییەكانی عێراق لە بەیاننامەیەكدا كارەكە بە "تێكدەرانە و نایاسایی" دەداتە قەڵەم و باس لەوە دەكات ئەم كارە دەبێتەهۆی بێبەشبوونی بەسرە لە پشكی خۆی و داوای گرتنەبەری ڕێوشوێن یاسایی دەكات دژیان. 

 

چاودێران پێیانوایە ئەم هەنگاوە سەرەتاو دەسپێكی تەقینەوەیەكی عەشایەری چاوەڕوانكراوە لەسەر سامانی ئاو كە بەهۆی وشكەساڵییەوە توشی كەمبوونەوەی زۆر بووە.