گه‌ڕان

Shadow Shadow
سیاسه‌تی

زانیاریی زیاتر

ئاگادارییەک بۆ ئەوانەى دەیانەوێت لە بیلاڕوسیاوە کۆچی وڵاتانی ئەوروپا بکەن

2021.10.03 - 10:52
App store icon Play store icon Play store icon
ئاگادارییەک بۆ ئەوانەى دەیانەوێت لە بیلاڕوسیاوە کۆچی وڵاتانی ئەوروپا بکەن

ناس کورد-

دەزگای لوتکە کۆچبەرانی هەرێمی کوردستان ئاگاداردەکاتەوە کە "بەکارهێنانی خاکی وڵاتی بیلاڕوسیا بۆ گەیشتن بە وڵاتانی ئەوروپا لەوپەڕی مەترسیدایە". 

کەناڵی ناس کورد لە تێلیگرام جۆین بکە   

 

دەزگای لوتکە بۆ کاروباری پەنابەران لە ئاگادارینامەیەکدا (3ی تشرینی یەکەمی 2021) دەڵێت، "بەکارهێنانی خاکی بیلاڕوسیا بۆ گەیشتن بە وڵاتانی ئەوروپا لەوپەڕی مەترسیدایە و بەهۆی ساردبوونی کەشوهەواوە هێندەی دیکە مەترسیدار دەبێت."

 

دەشڵێت، "لە ئێستادا سەدان خێزانی کورد و عیراقی لەسەر سنوورەکانی بیلاڕوسیا گیریان خواردووە و بێ نان و بێ ئاو ماونەتەوە، هاوکات چەندین کەس ژیانیان لەدەست داوە بەهۆی سەرما و بێ نان و ئاوی و نەخۆشییەوە."

 

دەزگای لوتکە بە شێوەیەکی فەرمی لەگەڵ لایەنی پەیوەندیداری عیراقی وەزارەتی کۆچ و کۆچبەران، وەزارەتی دەرەوە و دەسەڵاتی فڕۆکەوانیی عیراق "لەسەر هێڵ دەبێت بۆ گەڕاندنەوەی ئەو هاووڵاتییانەی کە گیریان خواردووە و لە داهاتوویەکی نزیکدا دەگەڕێنرێنەوە."

 

دەزگاکە داوای لە سەرجەم هاووڵاتییان کردووە "بە هیچ جۆرێک نەکەونە ژێر کاریگەریی ئەو گروپ و تاقمانەوە کە هانتان ئەدەن لەڕێگای بیلاڕوسیاوە بگەنە خاکە ئەوروپا و ژیانی خۆتان و منداڵەکانتان مەخەنە بەردەم مەترسی و هەڕەشەی جددی. هەروەها داوا لە دەزگاکانی ڕاگەیاندن دەکەین ڕۆڵی ئیجابیی خۆیان بگێڕن بۆ ڕێگری کردن لە کارەساتی مرۆیی."