’’کێشەی گرانبوونی غازی ماڵان چارەسەر کرا’’

ناس کورد- 

سەرۆکی لیژنەی وزە و سامانە سروشتییەکان چارەسەرکردنی کێشەی گرانبوونی غازی ماڵانی ڕاگەیاند و دەڵێت، پشکی سەرجەم پارێزگاکان زیادکرا.

کەناڵی ناس کورد لە تێلیگرام جۆین بکە   

 

عەلی حەمەساڵح، سەرۆکی لیژنەی وزە و سامانە سروشتییەکان لە پەرلەمانی کوردستان (شەممە 2ی تشرینی یەکەمی 2021) ڕایگەیاند، "بۆ گرانبوونی غازی ماڵان بەدواداچونمان کرد و چارەسەر بوو." 

 

ئاماژەی بەوەشکردووە، "پشکی سەرجەم پارێزگاکان زیادکراوە، ھەولێر لە 13 بارهەلگرەوە زیادکرا بۆ 20 بارھەڵگر." 

 

ئەوەشی خستووەتەڕوو، "گرفتی گەورەی غاز، کارگەکانن پشکی ماڵان دەبەن و بە بازرگانی دەیفرۆشن، دەبێ سزا بدرێن بەتایبەت ھەولێر." 

 

چەند ڕۆژێکە نرخی غازی ماڵان بەراورد بە ڕابردوو بەرەو بەرزبوونەوە دەچوو بەتایبەت لە پارێزگای هەولێر نرخی بتڵێک غاز گەیشتبووە 11 هەزار دینار.