گه‌ڕان

Shadow Shadow
سیاسه‌تی

زانیاریی زیاتر

ڕێکخراوێکی جیهانی داوای دەستبەجێ ئازادکردنی پێنج دەستگیرکراوی بادینان دەکات

2021.10.01 - 15:30
App store icon Play store icon Play store icon
ڕێکخراوێکی جیهانی داوای دەستبەجێ ئازادکردنی پێنج دەستگیرکراوی بادینان دەکات

ناس کورد- 

رێكخراوی جیهانیی پەیامنێرانی بێسنور لەگەڵ سەنتەری میترۆ داوای ئازادكردنی پێنج رۆژنامەنوس و چالاکوانی سزادراوی بادینان دەكەن كە سێ کەسیان نزیكەی مانگێكە مانیان لە خواردن گرتووە.

کەناڵی ناس کورد لە تێلیگرام جۆین بکە   

 

ڕێکخراوەکە (هەینی 1ی تشرینی یەکەمی 2021) ڕایگەیاندووە، " بەهۆی مان گرتنیان لە خواردن و خواردنەوە وەک ناڕەزایەتی دژی دۆخی زیندان رۆژنامەنوسانی سزادراو شێروان شێروانی، ئەیاز كەرەم، گۆهدار زێباری و 82 دەستگیرکراوی دیکە بەشێکیان دۆخی تەندروستییان باش نییە، بەتایبەت دۆخی ئەیاز كەرەم كە بەپێی راپۆرتەكان لەهۆش خۆی چووە و چارەسەریی پزیشكیشی بۆ ناکرێت." 

 

ئاماژەی بەوەشکردووە، ئەو سێ ڕۆژنامەنوسە کە سزای شەش ساڵ زیندانییان بەسەردا سەپێنراوە و شێروان شێروانی كە یەكێكیانە چەندین جار ئیدانەی ئەوەی كردووە كە لەژێر ئەشكەنجەدا بەزۆر دانپێدانانی لێوەرگیراوە.

 

لە ڕاگەیەنراوەکەدا داواش لە دەسەڵاتدارانی هەرێمی كوردستان کراوە، "دەستبەجێ ئەو پێنج رۆژنامەنوسە ئازادبكەن كە تۆمەتی هەڵبەستراویان ئاڕاستەكراوە و لەژێر ئەشکەنجەدا دانپێدانیان لێوەرگیراوە، ئێستاش سێ لەو رۆژنامەنوسانە بەهۆی مانگرتنیانەوە رووبەڕووی مەترسی بونەتەوە." 

 

هاوکات سەنتەری میترۆ، داوای ئازادكردنی ئەو رۆژنامەنوسانەی کردووە و  ڕایگەیاندووە، "توندكردنی رۆژنامەنوسان لە زینداندا و بەكارهێنانی توندوتیژی دژی دەستگیركراوان، كاریگەرییەكی نەرێنی لەسەر ناوبانگی دیموكراتی لە هەرێمی كوردستان جێدەهێڵێت."