گه‌ڕان

Shadow Shadow
سیاسه‌تی

زانیارى زیاتر

یەکەم کاردانەوە لەناو پارتییەوە لەسەر سوێندەکەى قوباد تاڵەبانى

2021.09.29 - 20:08
App store icon Play store icon Play store icon
یەکەم کاردانەوە لەناو پارتییەوە لەسەر سوێندەکەى قوباد تاڵەبانى

ناس کورد-

 

پەرلەمانتارێکى فراکسیۆنى پارتى لەپەرلەمانى کوردستان وەڵامى قوباد تاڵەبانى دایەوە کە سوێندى خواردبوو پارتى ئەو رۆژە بەچاوى خۆى نابینێت کە"ببێتە ئاغا و کوێخا" بەسەر خەڵکى کوردستانەوە.

کەناڵی ناس کورد لە تێلیگرام جۆین بکە   

 

هێڤیدار ئەحمەد ئەمڕۆ چوارشەممە لە بڵاوکراوەیەکدا رایگەیاند "قەسەم بە خوا پارتی ھەر گەورە دەبێت، ھەر كەس و لایەنێكیش، دژایەتی پارتی بكات، گەورە نابێت".

 

پێشتر قوباد تاڵەبانى سەرۆکى لیستى هاوپەیمانى لەبانگەشەى حزبەکەیدا لەگەرمیان وتى "دەنگدان بە لایەنە بچووک و بێ کاریگەرەکان وەک ئەوەیە ناڕاستەوخۆ خەڵک دەنگبداتە پارتى".

 

هەروەها روویکردە لایەنگرانى لیستەکەى و وتى "ئایا پێتان خۆشە پارتى ببێتە ئاغا و کوێخا بەسەر خەڵکەوە، قەسەم بەخوا پارتى ئەو رۆژە بەچاوى خۆى نابینێت کە لەبەغدا و هەرێمیش قسە هەر قسەى خۆى بێت".

 

ئەو قسانەى قوباد تاڵەبانى لە چوارچێوەى توندبوونەوەى شەڕى بانگەشەى هەڵبژاردنى پارتى و یەکێتیدایە بەتایبەت لەدواى قسەکانى رۆژى یەکشەممەى نێچیرڤان بارزانى کە جەختیکردەوە "تەنها حساب بۆ پارتى دەکرێت".