بەوێنە؛ شۆفێریکردن بە مەستی ڕووداوێکی سەختی هاتوچۆی لێکەوتەوە

ناس کورد- 

وتەبێژی هاتوچۆی هەولێر ڕایگەیاند، شۆفێریکردنی کەسێک لەژێر کاریگەری مادە کحولییەکاندا ڕووداوێکی دروست کردووە و بەهۆیەوە سێ کەس بە سەختی برینداربوون.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا فازڵ حاجی، وتەبێژی هاتوچۆی هەولێر ڕایگەیاند، کاتژمێر 4:00ی بەرەبەیانی ئەمڕۆ سێشەممە 28ی ئەیلولی 2021، لەسەر ڕێگای هەولێر -  کەسنەزان، لەسایدی هاتن بۆ ناو شار پێکدادانێک لە نێوان ڕاڤ فۆڕێکی تایبەت و تاکسییەک ڕوویدا و بەداخەوە لە ئەنجامی ڕوداوەکەش سێ کەس بەسەختی برینداربوون." 

 

ئاماژەی بەوەشکردووە، "لەکاتی لێکۆلینەوەش دەرکەوت یەکێک لە شوفێرەکان کە شوفێری ڕاڤ فۆرەکە بووە سەرخۆش بووە و بە خێراییەکی زۆر لێیخوڕیوە، کاتێک گەیشتووەتە نزیک تاکسییەکە کە لە پێشەوە بووە بێ هیچ کەمکردنەوەیەکی خێرایی خۆی پێدا کێشاوە." 

 

فازڵ حاجی دەڵێت، "مادەی سەرخۆشکەر و شوفێری دوو شتی دژ بەیەکن و نابێت بەیەکەوە کۆبکرێنەوە."