گه‌ڕان

Shadow Shadow
سیاسه‌تی

زانیاریی زیاتر

خوێندنی باڵا لەبارەی وەرگرتنی دەرچووانی 12 داوایەک لە زانکۆ و پەیمانگەکان دەکات

2021.09.28 - 08:49
App store icon Play store icon Play store icon
خوێندنی باڵا لەبارەی وەرگرتنی دەرچووانی 12 داوایەک لە زانکۆ و پەیمانگەکان دەکات

ناس کورد- 

لیژنەی باڵای وەرگرتنی خوێندکارانی پۆلی 12 لە وەزارەتی خوێندنی باڵا بەڕێوەچوو و وەزیری خوێندنی باڵا داوای لە زانکۆکان کرد، بە ڕەچاوکردنی کواڵتی زۆرترین دەرفەتی خوێندنی گشتی بڕەخسێنن.

کەناڵی ناس کورد لە تێلیگرام جۆین بکە   

 

بەگوێرەی ڕاگەیەنراوێکی وەزارەتی خوێندنی باڵای هەرێم، بەسەرپەرشتى د. ئارام محمد قادر، وەزیرى خوێندنى باڵا و توێژینەوەى زانستى و ئامادەبوونى ڕاوێژکار و بەڕێوەبەرانى گشتى وەزارەت، کۆبوونەوەى لێژنەى باڵاى وەرگرتن بە بەشدارى نوێنەرى سەرجەم زانکۆ حکومییەکانى هەرێمى کوردستان بەڕێوەچوو. 

 

ئاماژە بەوەشکراوە، لەکۆبونەوەکەدا پلان و بەرنامەکانى وەزارەت تایبەت بە وەرگرتنى خوێندکاران و قوتابیان بۆ ساڵى خوێندنى (٢٠٢١-٢٠٢٢) گفتوگۆى لەبارەوە کرا، هەروەک چەند بابەتێکى گرنگ و پەیوەست بە شێوازى وەرگرتن لە زانکۆ و پەیمانگەکان خرایەڕوو  بەرنامەى پێویستیان لەبارەوە بۆ دانرا.

 

ئەوەش هاتووە، وەزیرى خوێندنى باڵا ئاماژەی بەوەکردووە، " ئامانج لەم کۆبونەوەیە دانانى میکانیزم و پلانى وەرگرتنە بۆ ساڵى نوێى خوێندن، بە شێوەیەک پلانەکان هاوتەریب بێت بۆ سودى دەرچووان و پێداویستیەکانى بازاڕى کار."

 

بەگوێرەی ڕاگەیەنراوەکە، وەزیری خوێندنی باڵا دوپاتیشیکردەوە، "هەوڵ دەدەین بەڕەچاوکردنى کواڵتى، زۆرترین دەرفەتى خوێندن بۆ دەرچوانى ئامادەیى لە زانکۆ و پەیمانگە حکومییەکانى هەرێمى کوردستان بڕەخسێنن، لەو چوارچێوەیەشدا وەزارەت هاوکار و پاڵپشتى زانکۆکان دەبێت."

 

ئەوەش هاتووە،لەبەشێکى دیکەى کۆبونەوەکەدا لەلایەن بەڕێوبەرایەتى گشتى خوێندن و پلاندانان و بەدواداچون و بەڕێوەبەرى تۆمارى گشتى زانکۆکان، گفتوگۆ لەبارەى شێواز و بابەتەکانى تایبەت بە پلانى وەرگرتن بۆ ساڵى نوێى خوێندن کراو بڕیارى پێویستیان لەبارەوە درا.