گه‌ڕان

Shadow Shadow
سیاسه‌تی

شۆكێكی زانستی؛ شەربەتی فرێشی میوە هۆكارێكە بۆ شێرپەنجە!

2021.09.25 - 11:08
App store icon Play store icon Play store icon
شۆكێكی زانستی؛ شەربەتی فرێشی میوە هۆكارێكە بۆ شێرپەنجە!

ناس كورد-
توێژینەوەیەكی ئاژانسی گشتیی تەندروستیی فەڕەنسی گەیشتوەتە ئەو ئەنجامەی شەربەتە شیرینەكان لەوانەش شەربەتی فرێشی میوە مەترسی توشبوون بە شێرپەنجە بەڕێژەی 18 - 22% زیاتر دەكەن.

کەناڵی ناس کورد لە تێلیگرام جۆین بکە   

 

توێژینەوەكە كە "ناس كورد" بینیویەتی (25ی ئەیلولی 2021) هۆشداری دەدات لەوەی ڕەگەزەكانی میوە دەكرێت پاڵنەری سەرەكی بڵاوبوونەوەی شێرپەنجە بن و هەمان كاریگەریی خراپی كۆكاكۆلایان هەیە.

 

ئەوەشی دیاریكردووە كە كاریگەرییەكانی شیرینی میوە مەترسی توشبوون بە شێرپەنجە بەڕێژەی 18% زیاتر دەكات و هی شێرپەنجەی مەمك 22%.

 

ئەم ئەنجامە زانستییە لەبەر ڕۆشنایی توێژینەوە لە كەیسی 101 هەزار كەس بەدەستهاتووە كە 79%یان ژنان بوون و لەگەڵ ئەم بەرتوێژانەدا هەڵوێستە لەسەر سێ هەزار جۆر خواردنی جیاجیا كراوە بۆ ماوەی پێنج ساڵ.

 

شەربەتی میوەی سروشتی شەكری سروشتی تێدایە، بەڵام شەربەتی دروستكراو تێكەڵەیەكە لە شەكر و مادەی تر بۆ جوانتركردن و تامدارتركردنی شەربەتەكە.

 

دكتۆرە ماتێلد توفیر لە سەرپەرشتیارانی توێژینەوەكە دەڵێت، "مەبەست ئەوە نییە دەست لەخواردنەكان هەڵبگیرێت بەڵكە ئاژانسە تەندروستییەكان ئامۆژگاری ئەوە دەكەن كەمترین شەربەت و گیراوە بخورێتەوە لە رۆژێكدا".