گه‌ڕان

Shadow Shadow
سیاسه‌تی

بزانە چییە

تەندروستیی جیهانی یەكەم چارەسەری بۆ كۆرۆنا پەسەندكرد

2021.09.24 - 18:54
App store icon Play store icon Play store icon
تەندروستیی جیهانی یەكەم چارەسەری بۆ كۆرۆنا پەسەندكرد

ناس كورد_
ڕێكخراوی تەندروستیی جیهانی كۆمەڵێك چارەسەری پەسەندكرد كە نەخۆش دەپارێزن لە نیشانە توندەكانی نەخۆشی كۆرۆنا بەتایبەت ئەوانەی لە قۆناغی مەترسیدان.

کەناڵی ناس کورد لە تێلیگرام جۆین بکە   

 

ڕێكخراوەكە لە بڵاوكراوەیەكدا كە ئاژانسی هەواڵی ئەڵمانی بڵاویكردووەتەوە و "ناس كورد" بینیویەتی (24ی ئەیلولی 2021) باس لەوە دەكات، تێكەڵەیەك لە "كازيريفيماب" و "إيمديفيماب" كە كۆمپانیای ریجینیریۆنی ئەمەریكی بەرهەمی هێناوە لەگەڵ "ڕۆشی" سویسری دەرفەتی نەخۆشەكانی كۆرۆنا زیاتر دەكەن بۆ مانەوە لە ژیان.

 


تەندروستیی جیهانی ئەوەشی خستووەتەڕوو، دەكرێت ئەو دوو چارەسەرە بۆ ئەو نەخۆشانەش بەكاربهێنرێت كە كێشەی پێشتریان هەیە یان نیشانەكانیان قورسە و لە ژوورەكانی چاودێری چڕدان و ئەم رێنماییانەشی لە گۆڤاری پزیشكی بەریتانی بڵاوكردووەتەوە.

 

ڕێكخراوەكە هانی دەوڵەتان دەدات نرخی گرانی ئەم دوو چارەسەرە هەرزان بكەن و بڕی بەرهەم زیاتر بكەن و بۆ ئەم مەبەستەش لە دانوستاندایە لە گەڵ كۆمپانیا سویسرییەكە.