گه‌ڕان

Shadow Shadow
سیاسه‌تی

ئەى ڤاکسین؟!

شۆكێكی زانستی: ماوەیەكی تر هەموو جیهان توشی كۆرۆنا دەبن

2021.09.24 - 08:59
App store icon Play store icon Play store icon
شۆكێكی زانستی: ماوەیەكی تر هەموو جیهان توشی كۆرۆنا دەبن

ناس کورد-

ژمارەیەك شارەزای تەندروستی پێشبینی ئەوە دەكەن سەرجەم دانیشتوانی جیهان توشی كۆرۆنا ببن بەڵام زۆربەیان نیشانەیان سوك دەبێت و هەندێكیشیان هەر هەستی پێ ناكەن. 

کەناڵی ناس کورد لە تێلیگرام جۆین بکە   

 

دەیلی مەیلی بەریتانی لە ڕاپۆرتێكدا كە "ناس كورد" بینیویەتی (24ی ئەیلولی 2021) لەزاری ئەو شارەزایانەوە ڕوونیكردوەتەوە، بەهۆی پاشەكشەی كاریگەرییەكانی ڤاكسین لە مانگەكانی داهاتوو، هەروەها بەهۆی خێرایی بڵاوبوونەوەی گۆڕاوی دەلتا، ئەوە ئەگەری بڵاوبوونەوەی كۆرۆنا لە سەرجەم جیهان ڕێتێچووە "بەڵام زۆربەی حاڵەتەكان سوك دەبن و هەندێكیشیان هەستیان پێ ناكرێت".

 

لەلایەكیترەوە دكتۆر ئەمیش ئەدالگا، پسپۆڕی نەخۆشییە گوازراوەكان لە زانكۆی جۆن هۆبكینزی ئەمەریكی دەڵێت، "لە مانگەكانی داهاتوو ئەگەر هەیە هەموو جیهان كۆرۆنا بگرن".


نوێترین توێژینەوەی زانستی لەبارەی كاریگەری ڤاكسینەكان كە لە "نیو ئینگلاند" بڵاوكراوەتەوە ئەوە ئاشكرا دەكات، كاریگەریی ڤاكسین بەتێپەڕبوونی كات كەم دەكات بەهۆی دەركەوتنی گۆڕاوی دەلتا لەگەڵ لاوازبوونی خۆپارێزی، بەڵام توێژینەوەكە جەخت لەوە دەكاتەوە ڤاكسین ڕێگرە لە بەرزبوونەوەی رێژەی مردن و نیشانە قورسەكانی كۆرۆنا و پێویستی داخڵبوون لە نەخۆشخانەش كەمتر دەكاتەوە.

 

پێشتر توێژینەوە زانستییەكانی ئەمەریكا ئەوەیان ئاشكراكرد ئەوانەی ڤاكسین وەردەگرن 10_11 قاتی ئەوانەی وەریناگرن ئەگەری مردن و پێویستییان بە نەخۆشخانە كەمتر دەبێت. 

 

لە لایەكیترەوە، ستیڤان بانسڵ بەڕێوەبەری جێبەجێكاری كۆمپانیای مۆدێرنا رایگەیاند پێیوایە پەتای كۆرۆنا لەماوەی یەك ساڵدا كۆتایی دێت لەگەڵ پەرەسەندنی بەرهەمهێنانی ڤاكسین كە پێداویستی جیهان دابین دەكات.

 

بانسڵ لە دیمانەیەكی رۆژنامەیەكی سویسریدا (23ی ئەیلولی 2021) دەڵێت بەهۆی پەرەسەندنی توانای بەرهەمهێنانی ڤاكسین لە كەرتی تەندروستی لە ماوەی شەش مانگی ڕابردوو، ئەوە بڕی پێویستی ڤاكسین لە ناوەڕاستی ساڵی داهاتوودا دەگاتە دانیشتوانی جیهان و ژەمی پێویستی زیادەش بەردەست دەبێت بۆ كوتانی سێیەم، بەمەش كۆتایی بە پەتای كۆرۆنا دێت.