گه‌ڕان

Shadow Shadow
سیاسه‌تی

نامۆترین دیاردەكانی بانگەشەی هەڵبژاردن ئاشكرا كران 

2021.09.22 - 20:45
App store icon Play store icon Play store icon
نامۆترین دیاردەكانی بانگەشەی هەڵبژاردن ئاشكرا كران 

ناس کورد-

جاسم حلفی سەركردە لە حیزبی شیوعی عێراق و چالاكی مەدەنی جەختی كردەوە نرخی كارتێكی دەنگدان گەیشتووە بە 300 دۆلار و لەهەندێ جێگاش تێكڕای خەرجی یەك كاندید پێنج ملیۆن دۆلارە. 

کەناڵی ناس کورد لە تێلیگرام جۆین بکە   

 

حلفی لە بڵاوكراوەیەكدا كە "ناس كورد" بینیویەتی (22ی ئەیلولی 2021) جەخت لەوەش دەكاتەوە هەندێ لە مامۆستایانی مزگەوتەكان خۆیان فرۆشتووە بە كاندیدان و بە خەڵكیان وتووە "دەنگدانتان زەكاتە". هەروەها دەڵێت "كاندید هەیە محەویلەی كارەبای بۆ گەڕەك كڕیوە و پێی وتوون دەنگی پێنەدەن پاش هەڵبژاردن لایدەبات". 

 

ئەم سەركردەیەی شیوعی كە مۆنیتەرینگی پێشێلكارییەكانی كردوە باس لەوە دەكات شەڕی دەنگدان هیچ جیاواز نییە لە شەڕی هەڵبژاردنەكانی تر ئەمەش گومانی گەورە دەخاتە سەر بەڵگەنامەی هەڵسوكەوتی هەڵبژاردن كە كاندیدەكان واژوویان كردووە. هەروەها دەڵێت "لەسایەی ئەمەشدا وەهم ئەوەیە پێتوابێت لەسەردەستی ئەمانە دۆخی وڵات چاك ببێت".

 

حیزبی شیوعی عێراق كە لە خولی پێشوو هاوپەیمانی سەدر بوون لە هەڵبژاردنی پێشوەختەی 2021 پاشەكشەیان كردووە و بەشداری ناكەن لە پرۆسەكە و لەبارەی هۆكارەكەشی پێشێلكاری و بەكارهێنانی پێگەی دەوڵەت و هێزی چەكدار بۆ بانگەشە دەكەنە نمونە.