گه‌ڕان

Shadow Shadow
سیاسه‌تی

سبەی شەو پایز دەستپێدەكات

پێشبینییە بەراییەكان بۆ ئاستەكانی سەرمای زستانی داهاتوو 

2021.09.21 - 19:59
App store icon Play store icon Play store icon
پێشبینییە بەراییەكان بۆ ئاستەكانی سەرمای زستانی داهاتوو 

ناس كورد-

ئێوارەی سبەی وەرزی پایز لە عێراق و نیوەگۆی باكوری زەوی دەستپێدەكات و پێشبینییە بەراییەكانیش باسی زستانێكی سارد دەكەن بۆ ئەم بەشەی گۆی زەوی لەچەند مانگی داهاتوودا.

کەناڵی ناس کورد لە تێلیگرام جۆین بکە   

 

محەمەد دوری كەشناسی عێراقی لە بڵاوكراوەیەكدا بۆ "طقس العراق" كە "ناس كورد" بینیویەتی (21ی ئەیلولی 2021) ڕوونیدەكاتەوە بەگوێرەی حساباتی فەلەكی رۆژی چوارشەممە (22ی ئەیلول) خۆر ستون دەبێت لەسەر هێڵی كەمەرەیی زەوی [ °23.5 ]  بەمەش سەرەتای پایز لە عێراق و نیوەگۆی باكوری زەوی دەستپێدەكات. 

 

لەبڵاوكراوەكەدا هاتووە كاتژمێر 10:21 خولەكی ئێوارەی چوار شەممە بەكاتی بەغدا خۆر لەسەر هێڵی كەمەرەیی ستون دەبێت، ئەمەش لەكاتێكدایە گۆڕانكارییەكانی كەش لە جەمسەری باكوری بەردەوامن بە ئاراستەی وەرزێكی سارد.  

 

هەروەها ئەوەش خراوەتەڕوو ئەم ساڵ بەفری جەمسەری باكور زووتر بەرەو سیبریا دێت و دەكەوێتە سەرەتای مانگی تشرینی یەكەم (10)، ئەمەش وادەكات لە بەشێكی فراوانی نیوەگۆری باكور زستان سارد بێت لەوانەش وڵاتی عێراق. 

 

بەگوێرەی دوا زانیارییەكانیش هەر لە ئێستاوە بەستەڵەكی باكور سەرلەنوێ بەستوویەتی ئەمەش پاڵنەر دەبێت بۆ ساردبوونی هەوای جەمسەرەكانی باكور و لەوێشەوە شۆڕ دەبێتەوە بۆ نیوەگۆی باكوری زەوی.