گه‌ڕان

Shadow Shadow
سیاسه‌تی

چۆن لێبنرێت باشە؟

شۆكێکی زانستی؛ لێنانی برنج بەهەڵە دەبێتە هۆی توشبوون بە شێرپەنجە

2021.09.20 - 20:32
App store icon Play store icon Play store icon
شۆكێکی زانستی؛ لێنانی برنج بەهەڵە دەبێتە هۆی توشبوون بە شێرپەنجە

ناس كورد-
توێژینەوەیەكی زانكۆیی ئاشكرای دەكات، لێنانی برنج بە ڕێگەی هەڵە دەبێتە هۆی توشبوونی بەكارهێنەر بە شێرپەنجە بەهۆی مادە ژەهراوییەكانی ناوییەوە، ئەمەش بەپێی راپۆرتی تایمز ئۆف ئیندیا.

کەناڵی ناس کورد لە تێلیگرام جۆین بکە   

 

ڕاپۆرتەكە كە "ناس كورد" بینیویەتی (20ی ئەیلولی 2021) پشتی بەستووە بە توێژینەوەیەكی زانكۆی "كوینز بلفاست"ی بەریتانی كە دەیسەلمێنێت مادە كیمایی و مێرووكوژەكان خاك مەترسیدار دەكەن و دەبنەهۆی دروستكردنی زڕنیخ كە هۆكارە بۆ دروستكردنی خانەی شێرپەنجە.

 

تویژینەوەكە ئەوەش دەردەخات پێكهاتەیەكی گەورەی برنج مادەی زڕنیخە، ئەگەر بەشێوەیەكی دروستیش ئامادە نەكرێت ئەوە كێشەی تەندروستی دروست دەكات لەوانەش توشبوون بە شێرپەنجە.

 

هەر بەگوێرەی تویژینەوەكەی زانكۆی كوینز، باشترین ڕێگا بۆ رزگاربوون لە زڕنیخی ناو برنج خوساندنیەتی شەوێك لەناو ئاو بەر لەوەی لێبنرێت و بەم شێوەیەش 80%ی ژەهرەكانی دەڕوات.

 

راپۆرتی دەزگای خۆراك و دەرمانی ئەمەریكا (FDA) جەخت لەوە دەكاتەوە زۆر خواردنی برنج ئەگەری توشبوون بە شێرپەنجە زیاتر دەكات بەتایبەت لای دایكان، ئامۆژگاری ئەوەش دەكات برنج دووربخرێتەوە لە خواردنی مناڵ خوار شەش ساڵ و ئەگەر نەیخۆن بە رێژەی 6_23% بەدووردەبن لە شێرپەنجە، ئەمەش بەگوێرەی راپۆرتی "میدیكاڵ نیوز تودەی" ئەمەریكی.