ناس کورد-
میدیاکانی ڕوسیا ئاشکرایان کرد، یەکێک لە بریندارەکانی ئەو هێرشەی بەرەبەیانی ئەمڕۆ لەلایەن چەکدارێکەوە کرایە سەر زانکۆی پێرم لە هەرێمی ئورالی ڕوسیا، خوێندکارێکی عێراقی لەکاتی هەوڵدان بۆ پاراستنی کچێک لە گوللـە بریندار بووە.
کەناڵی ناس کورد لە تێلیگرام جۆین بکە
ئەو خوێندکارە عێراقیە دەڵێت، "لە کاتی پشوودا لە تەنیشت نافورەیەکدا لەناو حەرەمی زانکۆکەدا وەستابووم، گەنجێکی چەکداری جلڕەشم بینی و دەستیکرد بە تەقەکردن."
الداخلية الروسية تعلن عن سقوط قتلى في اطلاق النار في جامعة #بيرم وسط #روسيا وفقا للمعطيات الاولية، وإلقاء القبض على الجاني.#روسيا pic.twitter.com/txjYloJo8B
— وكالة سبوتنيك للأنباء (@Sputnik_AR_News) September 20, 2021
وتیشی، "کچێک لە تەنیشتمەوە وەستابوو، یەکسەر خۆی خستە سەر زەوی کاتێک گوێی لە تەقەکە بوو، منیش هەوڵمدا بیپارێزم بۆیە فیشەکێکم بەرکەوت و برینداربووم."
بەپێی ئەو گرتە ڤیدیۆییانەی لە تۆڕە کۆمەڵایەتییەکاندا بڵاوکراونەتەوە، خوێندکاران بە کەلوپەلەکانیان خۆیان لە پەنجەرەی پۆلەکان دەخەنەخوارەوە تاوەکو ڕابکەن و خۆیان لە تەقەکان بپارێزن.
لجنة التحقيقات الروسية تعلن عن سقوط 8 قتلى في اطلاق النار في جامعة #بيرم الحكومية.#روسيا pic.twitter.com/rbHPnCAsyz
— وكالة سبوتنيك للأنباء (@Sputnik_AR_News) September 20, 2021
کۆمسیۆنی لێکۆڵینەوەی ڕوسیاش کە پەیوەندیدارە بە تاوانە گەورەکان ڕایگەیاند، هێرشبەرەکە کە ئەویش خوێندکاری زانکۆیە لە کاتی دەستگیرکردنیدا بریندار بووە.
بەهۆی هێرشەکەوە شەش کەس کوژران و 24 کەسی تریش بریندار بوون، شەش کەسیان بەهۆی سەختی برینەکەیانەوە گەیەنرانە نەخۆشخانە.
