ناس کورد-
مه‌ڵبه‌ندی چواری دھۆكی یه‌كێتیی دادگاى دهۆک تۆمەتبار دەکات بەوەى "بووەتە دارده‌ست و جێبه‌جێكاری ده‌سه‌ڵاتی خۆسه‌پێنه‌ر"، ئەوەش بەهۆى سزادانى کادیرێکى ئەو حزبەوە لەلایەن دادگاوە.
کەناڵی ناس کورد لە تێلیگرام جۆین بکە
مەڵبەندى یەکێتى لە دهۆک ئەمڕۆ یەکشەممە لە راگەیەنراوێکدا کە دەست "ناس کورد" کەوتووە ئاماژەى بەوەکردووە، بڕیارەکەى دادگا بۆ سزادانى مه‌لا نه‌زیر به‌رواری "دادپەروەرانە نییە و دوورە لە بنەماى یاسایی".
دەقى راگەیەنراوەکە:
دڤێ ڕه‌وش و قۆناغا تایبه‌ت و هه‌ستیاردا، كو كه‌یسێ زیندانیێن بادینان كارڤه‌دانه‌كا جیهانی لپه‌ی خۆ ئینایه و ناڤوده‌نگێن هه‌رێما كوردستانێ و ده‌ستهه‌ڵاتا زوونا زه‌ر دبوارێن مافی مرۆڤ و ئازادیێن ڕاده‌ربڕین و ڕۆژنامه‌ڤانیدا لسه‌ر ئاستێن نێڤده‌وله‌تی له‌كدار كرینه و ئێخستینه به‌ر گۆمانێ، خه‌لك یێ چاڤه‌رێ بوو دادگه و ده‌ستهه‌ڵاتا ڤێ ده‌ڤه‌رێ پێداچوونه‌كێ د ڤی كه‌یسیدا بكه‌ت و زیندانی و به‌ندكریێن بادینان ئازاد بكه‌ت، به‌روڤاژی وێ چه‌ندێ ئه‌ڤرۆ ڕۆژا ئێكشه‌مبی ڕێكه‌فتی 2021/9/19 بڕیارا سزادانا مه‌لا نه‌زیر به‌رواری، كادرێ ئێكه‌تی نیشتمانی كوردستان ب حه‌فت ساڵێن زیندانێ ژلایێ دادگه‌ها دهوك ڤه ده‌رچوو.
ل وێ ده‌مێ ئه‌م ڤێ بڕیارا دادگه‌هێ ب بڕیاره‌كا نه ڕاست و دوور ژ بنه‌مایێن یاسا و دادپه‌روه‌ریێ دزانین، دهه‌مان ده‌مدا ئه‌م و گشت خه‌لكێ بادینان و كوردستانێ دزانین، ده‌زگه‌هێن ئه‌منیێن تایبه‌ت ب ئه‌شكه‌نجه و هه‌موو جورێن فشارێن ده‌رونی و جه‌سته‌یی دانپێدان ژ مه‌لا نه‌زیر و زیندانیێن بادینان وه‌رگرتینه.
به‌شه‌كێ دادگه‌هێن هه‌رێمێ ل زوونا زه‌ر یێن بووینه دارده‌ست و جێبه‌جێكارێن ده‌ستهه‌ڵاته‌كا تاك ڕه‌و و خۆسه‌پینه‌ر، ئه‌ڤ ڕه‌فتار و كریاره دگه‌ل پڕنسیپێن مافێن مرۆڤ و مافێن گشتێ ناگونجن و دێ كاری بۆ وێ چه‌ندێ كه‌ین ئه‌ڤ بێ دادی و سته‌مه ل بادینان بدووماهی بهێت.
ئازادی بۆ مه‌لا نه‌زیر به‌رواری و سه‌رجه‌م زیندانیێن بێ گونه‌هێن بادینان.
ئێكه‌تی نیشتمانی كوردستان
مه‌ڵبه‌ندێ چوارێ دهوك
