گه‌ڕان

Shadow Shadow
سیاسه‌تی

دەزگای زانیاری دەستگیرکردنی بکوژی کادیرە باڵاکەى پەکەکەى ڕاگەیاند

2021.09.18 - 08:47
App store icon Play store icon Play store icon
دەزگای زانیاری دەستگیرکردنی بکوژی کادیرە باڵاکەى پەکەکەى ڕاگەیاند

ناس کورد-

ئەژی ئەمین، بەرپرسی دەزگای زانیاریی و پاراستن\زانیاری ڕایگەیاند، "تاوانبارى تاوانەکانى ئەم چەند ڕۆژەی ڕابردوو دەستگیرکرا" کە مەبەست لێی کوژرانی بەرپرسێکی پەکەکە و هەوڵی تیرۆرکردنی بەرپرسێکی تریانە.

کەناڵی ناس کورد لە تێلیگرام جۆین بکە   

 

ئەژی ئەمین لە پەیامێکدا (18ی ئەیلولی 2021) دەڵێت، تاوانبارى تاوانەکانى ئەم چەند ڕۆژەی ڕابردوو دەستگیرکرا و ڕاپێچى بەردەم یاسا کرا. بەزووترین کات بەڵگەکان و دانپێدانان دەخرێتە بەردەم ڕاى گشتى."

 

دەشڵێت، "ڕیسوایى بۆ تێکدەرانى ناوماڵى کورد، دەستخۆشی بۆ شێرەکوڕانی ئاسایش و دژەتیرۆر و پۆلیس".

 

me_ga.php?id=4561

 

دوێنێ هەینی، 18ی ئەیلولی 2021، شوکرى سەرحەد، کادیرێکی باڵای پەکەکە کە لە سلێمانى کوژرا، ماوەیەک لەمەوبەر بۆ چارەسەرى تەندروستى رووى لە سلێمانى کردبوو، ئەوەش بەپێی میدیاى سەر بە پەکەکە.

 

میدیاى سەر بە پەکەکە بڵاویکردەوە، “یاسین بولوت” ئەندامی کۆمیتەی ماڵباتی شەهیدانی پەکەکە، کە بە ‘شوکری سەرحەد’ ناسراوە، ماوەیەک بوو، بەهۆی کێشەی تەندروستیی، هاتبووە شاری سلێمانی، ئەمڕۆ کاتژمێر ٠٩:٠٠ی بەیانی لە هێرشێکی چەکداریی "میتی تورکیادا" گیانى لەدەستدا.

 

یاسین بولوت ساڵی 1957 لە شاری قەرسی باکووری کوردستان لەدایک بووە، ساڵی 1978 پەکەکەی ناسیوە و لە کاتی کودەتاکەی 12ی ئەیلولی 1980ـدا لە تورکیا دەستگیرکراوە و لە زیندانی ئامەد زیندانی کراوە.

 

یاسین بولوت ساڵى 1991 روو لە چیاکانى کوردستان دەکات، ماوەی 15 ساڵیشە وەک ئەندامی کۆمیتەی شەهیدانی پەکەکە لە باشووری کوردستان کاری کردووە.

 

بەپێی میدیاى پەکەکە، شوکری، لە ئەنجامی ئەشکەنجەى زینداندا، کێشەی تەندروستیی بۆ دروست بوو و ماوەیەک بوو، بۆ چارەسەریی ئەو نەخۆشییانە هاتبووە شاری سلێمانیی.

 

دەزگای زانیاریی: تاوانبارى تاوانەکانى چەند ڕۆژی ڕابردوو دەستگیرکرا

لەیەکی ترەوە بەڕێوەبەرایەتی گشتی دژەتیرۆر رایگەیاند، سەرەداویان دەستکەوتووە لەبارەى رووداوەکانى 48 کاتژمێری رابردووی شاری سلێمانی کە تێیدا کادیرێکى پەکەکە کوژرا و پەنابەرێکى باکورى کوردستانیش بریندارکرا.

 

بەپێى راگەیەنراوێکى دژە تیرۆر کە دەست "ناس کورد" کەوتووە "بە پاڵپشتی دۆکۆمێنت و زانیاری تایبەت سەرەداوی ووردمان دەربارەی ئەو ڕوداوانە دەستکەوتووە، پاش یەکلاکردنەوە و پشتڕاستکردنەوەیان بەبەڵگەوە بۆرای گشتیی کوردستان بڵاویان دەکەینەوە".