گه‌ڕان

Shadow Shadow
سیاسه‌تی

وردەکاریی

کادیرێکى پەکەکە لە سلێمانى کوژرا

2021.09.17 - 11:16
App store icon Play store icon Play store icon
کادیرێکى پەکەکە لە سلێمانى کوژرا

ناس کورد-

کادیرێکى سەر بە پارتى کرێکارانى کوردستان (پەکەکە) لە سلێمانى تەقەى لێکراو بەهۆیەوە گیانى لەدەستدا.

کەناڵی ناس کورد لە تێلیگرام جۆین بکە   

 

سەرچاوەیەکى ئاگادار ئەمڕۆ هەینى بە "ناس کورد" ى راگەیاند، کادیرێکى پەکەکە لە سلێمانى بەناوى "شوکر سەرحەد" تەقەى لێکراوە و دەستبەجێ گیانى لەدەستداوە.

 

لاى خۆیەوە، سامان نارد بەڕێوەبەرى سەنتەرى فریاگوزاریی سلێمانى بە "ناس کورد" ى راگەیاند، لەرووداوێکى کوشتنى پیاوێک لە گەڕەکى چوارچرا کە لەشەستەکانى تەمەنیدایە ئاگادارکراونەتەوە.

 

وتیشى ئەو پیاوە لە نزیک فڕنێکى سەمون تەقەى لێکراوە و چوار فیشەکى بەرکەوتووە و دەستبەجێ گیانى لەدەستداوە و تەرمەکەى رەوانەى پزیشکى داد کراوە.

 

میدیاى سەر بەپەکەکە جەختیکردەوە، کە ئەو پیاوەى کوژراوە سەر بە پەکەکەیە و تۆمەتى کوشتنیشى ئاراستەى تورکیا کردووە.

 

تا ئێستا پۆلیس و دەزگا ئەمنییەکانى سلێمانى هیچ رونکردنەوەیەکیان لەو بارەیەوە نەداوە.

 

یاسین  بولوت ساڵی ١٩٥٧ لە شاری قەرسی باکووری کوردستان لەدایک بووە، ساڵی ١٩٧٨ پەکەکەی ناسیوە و لە کاتی کۆدەتاکەی ١٢ی ئەیلولی ١٩٨٠ـدا لە تورکیا دەستگیرکراوە و لە زیندانی ئامەد زیندانی کراوە.  

  

 یاسین بولوت ساڵى ١٩٩١ روو لە چیاکانى کوردستان دەکات، ماوەی ١٥ ساڵیشە وەک ئەندامی کۆمیتەی شەهیدانی پەکەکە لە باشووری کوردستان کاری کردووە.