ناس کورد-
وەزارەتی کارەبا بە بودجەی زیاتر لە 37 ملیۆن دۆلار پڕۆژەی سکادا جێبەجێ دەکات بۆ بەڕێوەبردن و کارپێکردنی سیستەمی کارەبا.
کەناڵی ناس کورد لە تێلیگرام جۆین بکە
بەپێی ڕوونکردنەوەى فەرمی وەزارەتەکە، کەمال محەمەد ساڵح، وەزیری کارەبای هەرێم گرێبەستێکی بۆ جێبەجێکردنی پڕۆژەی سکادا لەگەڵ هەردوو کۆمپانیای ستێر و کۆنترۆڵ ماتیک واژۆ کرد.
پڕۆژەکە بە تێچوونی (37,982,000) دۆلار و لە ماوەی 900 ڕۆژدا جێبەجێ دەکرێت.
پڕۆژەی سکادا بۆ بەڕێوەبردن و کارپێکردنی سیستەمی کارەبای هەرێم و کۆنترۆڵکردنی وێستگەکانی بەرهەمهێنان، گواستنەوە و دابەشکردنی کارەبا بەکار دێت.
وەزارەتی کارەبا پێداگیریی لەسەر گرنگیی ئەم پرۆژەیە بۆ باشتر بەڕێوەبردنی کارەبای هەرێم دەکات، کە رۆڵێکی گرنگی لە پێشخستن و کۆنترۆڵکردنی سیستەمی کارەبای هەرێم هەیە.
بڕیارە پرۆژەکە بە کواڵیتییەکی باش لە ماوەی دیاریکراودا تەواو بکرێت.
