گه‌ڕان

Shadow Shadow
سیاسه‌تی

هێرش و تۆمەتى قورس

موچە؛ عەلى حەمەساڵح و شێرکۆ عەبدوڵا دەدات بەیەکدا

2021.09.07 - 15:00
App store icon Play store icon Play store icon
موچە؛ عەلى حەمەساڵح و شێرکۆ عەبدوڵا دەدات بەیەکدا

ناس کورد-

 

شێرکۆ عەبدوڵا نوسەرى تەنز ئامێز و عەلى حەمەساڵح ئەندامى پەرلەمانى کوردستان هێرشى توند دەکەنە سەر یەکترى، دواى ئەوەى موچەى خانەنشینى شێرکۆ عەبدوڵا لەلایەن حکومەتەوە راگیرا.

 

کەناڵی ناس کورد لە تێلیگرام جۆین بکە   

 

شێرکۆ عەبدوڵا کە بەشێوازى تەنز نوسینەکانى بڵاودەکاتەوە و تا چەند رۆژێک لەمەوبەر نوسەرى بەردەوامى میدیاى فەرمى یەکێتى بوو، ماوەى چەند رۆژێکە موچەى خانەنشینییەکەى راگیراوە و عەلى حەمەساڵح بە هۆکارى ئەوە دەزانێت، بۆیە هێرشى تونددەکاتە سەرى.

 

شێرکۆ عەبدوڵا جەختدەکاتەوە کە دۆسیەى خانەنشینییەکەى هیچ کێشەى نییە، بەڵام عەلى حەمەساڵح دەڵێت بەبێ ئەوەى بریکارى وەزیر بوبێت بەو پلەیە خانەنشینکراوە.

 

بڕینى موچەى شێرکۆ عەبدوڵا کە پێشتر ساڵانێک بەڕێوەبەرى گشتى تەندروستى سلێمانى بوو، لە چوارچێوەى "چاکسازییەکانى" حکومەتدایە لە دۆسیەى موچەى خانەنشینى پلە تایبەتەکان و ئەو کەسانەى پێشتر لەو پلانەدا نەبوون کە پێی خانەنشین کراون موچەکانیان بڕدراوە.

 

شێرکۆ عەبدوڵا لە راگەیەنراوێکدا داواى لە رێواز فایەق سەرۆکى پەرلەمان کردووە خۆى لێکۆڵینەوە لە دۆسیەکەى بکات و دەڵێت، ئەگەر کێشەیان تێیدا دۆزیەوە بە شاربەدەرى بکەن. هەروەها چەند تۆمەتێکى ئاڕاستەى عەلى حەمەساڵح کردووە.

 

لەبەرانبەردا عەلى حەمەساڵح کە بڕینى بەشێک لەو موچانە بەئەنجامى هەوڵەکانیان دادەنێت، شێرکۆ عەبدوڵاى تۆمەتبارکردووە بەوەى "سێزدە ساڵە بەنایاسایی بەناوی بریکاری وەزیر (٤ ملیۆن ٣٣٠ ھەزار) دینار وەردەگرێت.. جگە لە موچەکانی دیکەی!".

 

تا ئێستا حکومەتى هەرێم و وەزارەتى دارایی هیچ رونکردنەوەیەکیان لەبارەى بڕینى موچەى خانەنشینى ژمارەیەک پلە تایبەت نەداوە، بەڵام وەزارەتى دارایی جەختیکردووەتەوە کە وەزیر راستەوخۆ خۆى سەرپەرشتى ئەو دۆسیەیە دەکات.