گه‌ڕان

Shadow Shadow
سیاسه‌تی

ناس هۆكارەكەی ئاشكرا دەكات

سەدر سەرەخۆشی نەكرد بۆ حەكیم و لایەنگرەكانیشی ئاهەنگیان گێڕا

2021.09.05 - 14:02
App store icon Play store icon Play store icon
سەدر سەرەخۆشی نەكرد بۆ حەكیم و لایەنگرەكانیشی ئاهەنگیان گێڕا

ناس کورد-

سەرباری ئەوەی ئایەتوڵڵای كۆچكردوو محەمەد سەعید حەكیم و موقتەدا سەدر لە بەشە مێژوییەكەی نەجەف نیشتەجێن و هەردووكیان دوو ڕێبەری شیعەی عێراقن، بەڵام سەدر هیچ بروسكە و سەرەخۆشییەكی بۆ مردنی ناوبراو بڵاونەكردەوە.

کەناڵی ناس کورد لە تێلیگرام جۆین بکە   

 

دوو ڕۆژ بەسەر مردنی یەكێك لە چوار مەرجەعە سەرەكییەكەی نەجەف محەمەد سەعید حەكیم تێپەڕیوە، بەڵام تا ئێستا موقتەدا سەدر بە تویتێكیش سەرەخۆشی لە بنەماڵە و پەیڕەوانی نەكردووە و لایەنگرەكانیشی لە سۆشیال میدیا خۆشحاڵی خۆیان بە مردنی ناوبراو ناشارنەوە.

 

بەگوێرەی بەدواداچوونەكانی "ناس كورد" لە گروپ و سەكۆ ئەلەكترۆنییەكانی شیعەی عێراق (5ی ئەیلولی 2021)، دوژمنایەتییەكی دێرین لە نێوان حەكیم و سەدردا هەیە، بەگوێرەی گرتەیەكی ڤیدیۆیی نۆ ساڵ بەر لەئێستاش حەكیم دەڵێت "موقتەدا مناڵێكی موخابەراتی نەزانە و هیچ ئەسڵ و فەسلێكی نییە".

 

كێشەی هەردوو بنەماڵەی حەكیم و سەدر دەگەرێتەوە بۆ ململانێ لەسەر رێبەرایەتی ئاینی و سیاسی و ئەوكاتەی باوكی موقتەدا هەوڵی دا خۆی بكاتە مەرجەعێكی گەورە لە عێراق لە ساڵانی نەوەدەكان، مەرجەعەكانی بنەماڵەی حەكیم دژی وەستانەوە و بە نەزان و پیاوی ڕژێم دایانە قەڵەم.

 

محەمەد سەعید حەكیم گەورە پیاوی ئاینی بنەماڵەی حەكیم و كوڕەزای ئایتولڵا موحسین ئەلحەكیمی گەورە مەرجەعی كۆچكردووی شیعەیە (1970 مردووە). محەمەد سەعید یەكێك بوو لە پاڵێوراوانی جێگرتنەوەی سیستانی و پێرێ بە جەڵتەی دڵ لە شاری نەجەف لە تەمەنی 85 ساڵیدا كۆچی دوایی كرد.

 

سەدرییەكان بە مەرجەعیەتی خۆیان دەڵێن "الناطقة"، كە هاوتای مەرجەعیەتی تەقلیدیی نەجەفە. ئەم مەرجەعیەتی شەعبییە ڕەخنەگرەش لە دەمی خۆیدا ڕكابەر و نەیاری زۆری هەبووە، یەكێك لەوانەش بنەماڵەی حەكیم بوون لە نەجەف، كە تا سەردەمی محەمەد باقر حەكیمیش (2003 كوژرا) دانیان بە مەرجەعیەتی محەمەد سەدردا نەناوە و بە ساویلكە و پیاوی ڕژێمی بەعسیان دەزانی.

 

سەدری باوك هەوڵی دەدا چینایەتیی ئایینی و مەزهەبی تێك بشكێنێت، لە شوێنە پەراوێزخراو و هەژارنشینەكاندا كار و چالاكیی دەكرد و جەماوەری كۆ دەكردەوە ئەمەش پێچەوانەی ڕەوتی كاری بنەماڵە دەستڕۆیشتووەكانی شیعەیە كە مۆركێكی ئەریستۆكراتی ئایینی بەسەریاندا زاڵە.