گه‌ڕان

Shadow Shadow
سیاسه‌تی

’’قەزافیش وای وت’’

لێدوانێکی بافڵ تاڵەبانی کاردانەوەی لێکەوتووەتەوە

2021.09.04 - 20:54
App store icon Play store icon Play store icon
لێدوانێکی بافڵ تاڵەبانی کاردانەوەی لێکەوتووەتەوە

ناس کورد- 

چەند قسەیەکی بافڵ تاڵەبانی، هاوسەرۆکی یەکێتی لە دیدارە ڕۆژنامەوانییەکەیدا کاردانەوەی لێکەوتەوە و کەسایەتییەکانی نزیک لە لاهور شێخ جەنگیش وەڵامی دەدەنەوە و تەنانەت "بە قەزافی، سەرۆکی پێشووی لیبیای دەچوێنن". 

کەناڵی ناس کورد لە تێلیگرام جۆین بکە   

 

بافڵ تاڵەبانی لە دیدارە ڕۆژنامەوانییەکەیدا کە شەوی ڕابردوو بڵاوکرایەوە، لە بەشێکی قسەکانیدا ڕایگەیاند، "ئەو کەسانەی دەچنە گردی سەرچنار بۆ پاڵپشتی لە لاهور شێخ جەنگی، قژ لول و نەعل لەپێن و دیمەنێکی زۆر ناشرینیان هەیە." 

 

لەوبارەیەوە زانا عەبدولڕەحمان، پەرلەمانتاری پێشووی یەکێتی لە پەرلەمانی کوردستان و کادری نزیک لە لاهور شێخ جەنگی نوسیویەتی، "قسە هیچ نیە،  قەزافیش گاڵتەی بە گەنجی وڵاتەكەی دەكرد، پێیدەوتن پێ پەتی و چڵكن، كەچی  زۆری نەبرد  قەزافی كەوتە دەست  ئەو پێ پەتیانە  ئەوانیش رەحمیان پێ نەكرد." 

 

ئاماژەی بەوەشکردووە، "قژلول و نەعل لەپێكان ئەوانەن كە پێ ڕووتییان پێ باشترە لە پێڵاوی كۆیلایەتی، بەدڵنیاییوە رۆژێك ئەو قژلولانە ناهێڵن لە كۆشەكانتان بخەون." 

 

هاوکات ئاڵا تاڵەبانی، ئەندامی سەرکردایەتیی یەکێتی لە پەڕەی خۆی لە فەیسبوک نوسیویەتی، "هاوسەرۆک، کاک بافڵ وتی، پێم عەیب بوو واژۆ لەسەر دەرکردنی لاهور شێخ جەنگی بکەم، دوای ئەم لێدوانەی ئەو نازانم ئێستا بۆچوونی ئێوەی سەرکردایەتی چییە لەسەر واژۆکانتان، عەیب بوو یان نا؟." 

 

هەر لە دیدارەکەدا بافڵ تاڵەبانی ڕایگەیاند، "ئەوەى لە 8ی تەموزدا ڕوویدا کودەتا نەبوو، بەڵکو هەڵوەشاندنەوەى کودەتا، چونکە لاهور شێخ جەنگی ئەو دەزگایانەی بەکارهێنا بۆ کاری شەخسی و کودەتا کردن، هیچ بەرپرسێکی تر وەک لاهور شێخ جەنگی ناوی دژە تیرۆر و دەزگای زانیاریی بەو شێوەیە بەکارنەهێناوە.  

 

زیاتر بخوێنەرەوە: بافڵ تاڵەبانی: کۆبوونەوەکانمان لەگەڵ لاهور شێخ جەنگی هیچ ئەنجامی نەبووە