گه‌ڕان

Shadow Shadow
چیرۆكه‌كانمان

ناس كورد ورده‌كاری بۆردومانی فرۆكه‌ جه‌نگییه‌كانی توركیا له‌ بناری قه‌ندیل بڵاوده‌كاته‌وه‌ [وێنه‌]

2019.06.27 - 23:01
App store icon Play store icon Play store icon
ناس كورد ورده‌كاری بۆردومانی فرۆكه‌ جه‌نگییه‌كانی توركیا له‌ بناری قه‌ندیل بڵاوده‌كاته‌وه‌ [وێنه‌]

کەناڵی ناس کورد لە تێلیگرام جۆین بکە   

ناس کورد- سابیر عه‌بدوڵا ئێواره‌ی ئه‌مڕۆ (پێنجشه‌ممه‌ 27ی حوزه‌یرانی 2019) فڕۆکە جەنگیەکانی تورکیا، لە بناری قەندیل بۆردومانی گوندی بەرد کوڕان و لۆفەکانی چیای کورتەک- یان کرد و بە هۆیەوە پێنج هاوڵاتی شەهید و چواری تریش برینداربوون کە سەرجەمیان ئەندامی یەک خێزانن. . ئەبوبەکر بایز قایممقامی قەزای پشدەر بە ناس کوردی ڕاگه‌یاند " فڕۆکە جەنگیەکانی تورکیا بۆردومانی لۆفەکانی کورتەکیان لە بناری قەندیل کردووە و بەهۆیەوە  پێنج هاوڵاتی شەهید و چواری تریش بریندار بوون کە سەرجەمیان ئەندامی یەک خێزانن". . قائیممقامی پشدەر وتیشی "ئەو هاوڵاتیانە دانیشتوی ناحیەی چوار قوڕنەی سەر بەقەزای رانیە بوون و ویستویانە بگەڕێنەوە گوندەکەیان کە گوندی ئاشقولکانە لە بناری قەندیل و بە دوو ئۆتۆمبێل ڕۆشتوون و فڕۆکەی جەنگی تورکیا لێی داون و توشی ئەو ڕوداوە بوون  کە لەناویاندا ژن و مناڵیش هەیە". . بۆردومان کردنی لۆفەکانی کورتەک و بونە قوربانی  نۆ هاوڵاتی مەدەنی، لە کاتێکدایە کە دوێنێش (چوارشه‌ممه‌) لە چیای گوشینەی دەڤەری برادۆست دوو برا کە پیشەیان پۆلیس بوو، بەهۆی بۆردومانی فڕۆکە جەنگیەکانی تورکیا گیانیان لەدەستدا و شه‌هید بوون. .