گه‌ڕان

Shadow Shadow
سیاسه‌تی

وردەکاریی

ئۆپێک پڵەس ڕێککەوتن لەسەر بەردەوامی سیاسەتی بەرهەمهێنانی پێشوو

2021.09.01 - 20:11
App store icon Play store icon Play store icon
ئۆپێک پڵەس ڕێککەوتن لەسەر بەردەوامی سیاسەتی بەرهەمهێنانی پێشوو

ناس کورد-

ڕێکخراوی وڵاتانی هەناردەکاری نەوت (ئۆپیک پڵەس) بەکۆی دەنگ بڕیاریان دا بە بەردەوامی پابەندبوون بە سیاسەتی پێشووی بەرهەمهێنان و ڕۆژی 4ی تشرینی یەکەمیش وەک وادەی کۆبوونەوەی داهاتووی ڕێکخراوەکە بۆ پێداچوونەوە بە سیاسەتی بەرهەمهێنان دیاریکرا.

کەناڵی ناس کورد لە تێلیگرام جۆین بکە   

 

 

بەپێی ڕاگەیەنراوی کۆبوونەوەکە کە ئێوارەى ئەمڕۆ چوارشەممە (1ی ئەیلولی 2021) لەڕێگەی ڤیدیۆ کۆنفرانسەوە بەڕێوەچوو، وەزیرانی نەوت ڕەزامەندییان نیشان دا بە درێژکردنەوەى پلانی زیادکردنی وردە وردەی بەرهەمی ڕۆژانەی 400 هەزار بەرمیل  بۆ هەموو مانگێک، لەگەڵ درێژکردنەوەی وادەی قەرەبووکردنەوە بۆ ئەو وڵاتانەی پابەند نەبوون بە ئاستی بەرهەمهێنانەوە تا کۆتایی مانگی کانوونی یەکەم.

 

ئێوارەى ئەمڕۆ نرخی نەوتی خاو کەمێک دابەزی هەرچەندە بەراورد بە چەند هەفتەی ڕابردوو نرخەکەى بەرزە، لەئێستادا نرخی یەک بەرمیل نەوتی خاوی برێنت 71 دۆلار و 43 سەنتە.

 

هاوکات نرخی یەکی بەرمیل نەوتی خاوی تەکساس 68 هەزار و 42 سەنتە.