ناس کورد-
سەرۆکى دەستەى حەشدى شەعبى وەڵامى بەراوردکردنى حەشدى شەعبى بە گروپە چەکدارەکان دایەوە و باس لە کۆپیکردنى بیرۆکەى سوپاى پاسدارانى ئێران دەکات.
کەناڵی ناس کورد لە تێلیگرام جۆین بکە
فالح فەیاز ئەمڕۆ سێشەممە لەدیدارى رافیدەین وتى "بەراورد ناکرێت لەنێوان حەشد و گروپە چەکدارەکان لەرووى فیکر و مەبادیئەوە، ناکرێت حەشد وەک دوو بەش سەیر بکرێت".
وتیشى "سەرپێچى لەهەموو هێزێک هەیە، حەشد بەرپرسیار نییە لەهەڵسوکەوتى گروپە چەکدارەکان".
فەیاج جەختیکردەوە، هیچ پێشێلکارى و هێرشێک لەلایەن حەشدەوە دژى هێزەکانى ئەمریکا ئەنجامنەدراوە، هەندێ گروپى چەکدار هێرشیان کردووە و شانازیشى پێوەدەکەن، بەڵام حەشدى شەعبى زیاتر لە جارێک بەو هۆیەوە بۆردومانکرا.
دەشڵێت، حەشد بەزۆرینەیەکى شیعى دەستیپێکرد و دواتر بووە زۆرینەیەکى نیشتیمانى، ئەوەش ئەزمونێکى عێراقییە و ناکرێت هیچ ئەزمونێکى دیکە کۆپى بکرێت، لە وەڵامێکدا بۆ پرسیارێک لەبارەى کۆپیکردنى ئەزمونى سوپاى پاسداران.
