گه‌ڕان

Shadow Shadow
سیاسه‌تی

پۆلیس زانیاریی ئاشکرا دەکات

ژنێک بەهۆی هاوسەرگیریی پیاوەکەیەوە دوو کچەکەی و خەسووەکەى کوشت

2021.08.30 - 17:24
App store icon Play store icon Play store icon
ژنێک بەهۆی هاوسەرگیریی پیاوەکەیەوە دوو کچەکەی و خەسووەکەى کوشت

ناس کورد-

ژنێک لە پارێزگای بەسرەی باشوری عێراق بەهۆی هاوسەرگیری دووەمی پیاوەکەیەوە، دوو کچەکەی و خەسووەکەى کوشت، ڕووداوەکەش توڕەیی بەرفراوانی جەماوەری لە شارەکە لێکەوتەوە.

کەناڵی ناس کورد لە تێلیگرام جۆین بکە   

 

ئەو ژنە لەکاتێکدا تاوانەکەى ئەنجام داوە کە هاوسەرەکەی لە دەرەوەی ماڵەکە بووە، سەرەتا دوو کچەکەی بە فیشەک کوشتووە و دواتریش دایکی مێردەکەی (خەسووەکەی).

 

پۆلیسی بەسرە لە ڕوونکردنەوەیەکدا (30ی ئابی 2021) ڕایگەیاند، "سەرەتا ئەو دایکە بانگەشەی ئەوەی کرد کە دوو پیاوی دەمامکدار چوونە ناو ماڵەکەوە و تەقەیان لە قوربانییەکان کردووە و پارە و خشڵ و ئاڵتونیشیان دزیوە".

 

لە ڕاگەیەندراوەکەی پۆلیسدا هاتووە، بەڵام بەهۆی "گرنگی و ناڕوونی ڕووداوەکە، تیمێکی بەڵگە و تاوان پێکهێنرا بۆ ئاشکراکردنی وردەکاریی ڕووداوەکە و کۆکردنەوەی زانیاری، دەرکەوت کە سکاڵاکار (دایکەکە) لەکاتی تاوانەکەدا لە ماڵ بووە و مێردەکەشی لە دەرەوە بووە."

 

باسی لەوەشکردووە کە "ڕوونبوویەوە کە دایکەکە ئەو تاوانە قێزەونەی بەرامبەر کچەکانی (17 ساڵ و 15 ساڵ) و خەسووی ئەنجام داوە بە تفەنگێکی کڵاشینکۆف".

 

ڕاگەیەنراوەکە ئاشکرای کردووە کە "بەهی ئەو گومانەوە فەرمانی دەستگیرکردن بۆ دایکەکە دەرچووە و لەکاتی لێکۆڵینەوەدا دانی بە تاوانەکەدا ناوە کە بۆ تۆڵەسەندنەوە بووە لە پیاوەکە چونکە ژنی دووەمی هێناوە، کاتێکیش فەرمانی دەستگیرکردنی بۆ دەرکرا، مێردی تۆمەتبارەکە بە دەمانجە ڕووبەڕووی هێزەکانی پۆلیس بوویەوە و ئەفسەرێک بە سوکی بریندار بوو."

 

پۆلیسی بەسرە دەشڵێت، "مێردی ژنەکەش دەستگیرکرا و دەستیش بەسەر دەمانجەکەدا گیرا، تۆمەتباران بەپێی بڕگەکانی مادەی 406 لە یاسای سزادانی عێراق سزا دەدرێن."

 

May be an image of ‎one or more people, headscarf and ‎text that says "‎N وزاره الداحليه وكالة الوزارة لشؤون الشرطة مديرية شرطة محافظة البصرة والمنشآت قسم مكافحة أجرام البصرة شعبة (البلدة) لمكافحة الأجرام‎"‎‎May be an image of ‎one or more people and ‎text that says "‎وراره الداحيه وكالة الوزارة لشؤون الشرطة مديرية شرطة محافظة البصرة والمنشآت قسم مكافحة أجرام البصرة شعبة (البلدة) لمكافحة الأجرام‎"‎‎