گه‌ڕان

Shadow Shadow
سیاسه‌تی

لاهور جەنگى باسى ’’ورەى پۆڵاین’’ دەکات

’’تەسبیح و جامانەکەى مام جەلال ’’..دوا پێشهاتى گرژیی هاوسەرۆکانى یەکێتى

2021.08.29 - 20:47
App store icon Play store icon Play store icon
’’تەسبیح و جامانەکەى مام جەلال ’’..دوا پێشهاتى گرژیی هاوسەرۆکانى یەکێتى

ناس کورد-

 

گرژی و ناکۆکییەکانى نێوان هاوسەرۆکانى یەکێتى بەبێ چارەسەر ماوەتەوە، لەنوێترین پێشهاتدا میدیاى بافڵ تاڵەبانى باس لەوەدەکات لاهور جەنگى ویستویەتى لەرێگەى دوبارەکردنەوەى هەڵسوکەوتەکانى مام جەلالەوە خۆى وەک ئەو پیشان بدات، لاهور جەنگیش دەڵێت "ورەى پۆڵاینە".

کەناڵی ناس کورد لە تێلیگرام جۆین بکە   

 

میدیاى بافڵ تاڵەبانى لە راپۆرتێکى ڤیدیۆییدا کە "ناس کورد" بینیویەتى باس لەوەدەکات، لاهور جەنگى هەوڵیداوە هاوشێوەى مام جەلال جامانە لەسەر بکات و تەسبیح لەدەستى بئاڵێنیت و جلوبەرگ و جوڵانەوەى جەستەى وەک مام جەلال لێبکات، بۆ ئەوەى خۆى وەک ئەو پیشان بدات.

 

باسى لەوەشکردووە، مام جەلال خاوەنى دونیابینى خۆى بووە و مەرجەع بووە، بەڵام ئەوانەى دەیانەوێت خۆیان وەک ئەو نیشان بدەن بەهەندێک لاسایی کردنەوە ناتوانن ببن بە مام جەلال.

 

کێشەى نێوان هاوسەرۆکانى یەکێتى کە نزیکەى دوو مانگە بەردەوام هێشتا بەردەوامە و رۆژ لەدواى رۆژ زیاتر پەرەدەسێنێت.

 

لاى خۆیەوە لاهور جەنگى ئەمڕۆ لەپەیامێکدا رایگەیاند "پەرۆشیی خەڵک ورەیەکی پۆڵایینی بە من بەخشیوە".


لە چەند ڕۆژی ڕابردوودا بافڵ تاڵەبانی فشارەکانی بۆ سەر لاهور شێخ جەنگی بۆ جێهێشتنی هەرێم چڕکردەوە و لە مەکتەبی سیاسیی یەکێتیشەوە ئەو داوایە لە ناوبراو کرا کە تادوای دوو هەفتە لە هەڵبژاردنەکانی پەرلەمانی عێراق هەرێم جێبهێڵێ، بەڵام ئەو داواکەى رەتکردەوە.