گه‌ڕان

Shadow Shadow
سیاسه‌تی

لە یەکگرتووەوە بۆ ’’ئەو کەسانەی خۆیان عەرزی حزبی دەسەڵات دەکەن’’

2021.08.24 - 13:53
App store icon Play store icon Play store icon
لە یەکگرتووەوە بۆ ’’ئەو کەسانەی خۆیان عەرزی حزبی دەسەڵات دەکەن’’

ناس کورد-

یەکگرتووی ئیسلامی ڕایگەیاند، ئەو کەسانەی کە پێشتر یەکگرتوو بوون و ئێستا پابەندییان بە حزبەکەوە نەماوە و "ماوەیەکە خۆیان عەرزی حزبی دەسەڵات دەکەن، دەخوازین عاقیبەتیان بەخێر بگەڕێ."

کەناڵی ناس کورد لە تێلیگرام جۆین بکە   

 

 

ئەنجومەنی جێبەجێکردنی یەكگرتوی ئیسلامی كوردستان لە ڕوونکردنەوەیەکدا (24ی ئابی 2021) دەڵێت، "ماوەیەكە كەسانێك كەیەكگرتووبوون و ساڵانێكە كەناریان گرتوەو هیچ پابەندیەكیان بەیەكگرتوەوە نەماوە، هەلی بازاڕی هەڵبژاردن ئەقۆزنەوەو خۆیان عەرزی حزبی دەسەڵات ئەكەن و ئەوانیش بێ پەروا پێشوازیان لێ ئەكەن."

 

دەشڵێت، "ئێمە لەم ویستگەدا وێڕای نیگەرانی ئەم چارەنوسە بۆ ئەو بەرێزانەی ساڵانێك هاورێ و هاوبیر بوین و لە ماڵی یەكگرتوو دا بونەتە خاوەنی پۆست و پلەی زانستی و ئیداری وحیزبی، دەخوازین عاقبەتیان بەخێر بگەرێ".

 

باسی لەوەشکردووە کە "ركابەرو دۆستانی یەكگرتو دڵنیادەكەینەوە كە كاروانی شكۆداری چاكسازی و میانرەوی یەكگرتوو بەم سیناریۆیانە زیان ناكات و جەماوەرەكەی هەڵناخەلەتێ و دڵقایمتر دەبێ و بەردەوامەو سەدان گەنجی خوێندەوارو خوێنگەرمی ئامادەیە بۆ جێگەیان."