گه‌ڕان

Shadow Shadow
سیاسه‌تی

پەیام ناردن بۆ یەکتر

پەیام و پەرەسەندنی نوێ لە کێشەکانی هاوسەرۆکانی یەکێتی

2021.08.23 - 22:14
App store icon Play store icon Play store icon
پەیام و پەرەسەندنی نوێ لە کێشەکانی هاوسەرۆکانی یەکێتی

ناس کورد- 

کێشمەکێشی هاوسەرۆکانی یەکێتی جارێکیتر پەرەسەندنی بەخۆیەوە بینوە و بەگوێرەی سۆشیاڵ میدیاکانی نزیک لەیەکێتر، بافڵ تاڵەبانی شاندێکی ناردووەتە ماڵی لاهور شێخ جەنگی تاوەکو بۆ دوایین جار ئاگاداری بکاتەوە لەوەی هەرێم جێبهێڵێت، بەڵام لاهور شێخ جەنگی ئەوەی ڕەتکردووەتەوە.

کەناڵی ناس کورد لە تێلیگرام جۆین بکە   

 

سۆشیاڵ میدیای نزیک لە سەرپەرشتیاری مەڵبەندی سلێمانیی یەکێتی (دووشەممە 23ی ئابی 2021) بڵاویکردووەتەوە، "کەمێک پێش ئێستا کۆبوونەوەی مەکتەبی سیاسیی یەکێتیی بەسەرپەرشتی بافڵ تاڵەبانی و ئامادەبوونی تەواوی ئەندامانی کۆتاییهات." 

 

ئاماژەی بەوەشکردووە، "لەکۆبوونەوەکەدا هەمووان هاوڕابوون لەسەر ئەوەی کە پێویستە لاهور شێخ جەنگی هەرێمی کوردستان بەجێبهێڵێت و کۆتایی بەو دۆخە نەخوازراوەی بەسەر یەکێتدا هاتووە بهێندرێت." 

 

ئەوەشی خستووەتەڕوو، " لەسەر ڕاسپاردەی بافڵ تاڵەبانی و مەکتەبی سیاسی کەمێک پێش ئێستا وەفدێکی باڵای یەکێتی کە پێکهاتوون لە شاڵاوی عەلی عەسکەری و ڕزگار عەلی و و شاڵاوی کۆسرەت ڕەسول و فەرید ئەسەسەرد، گەیشتوونەتە ماڵی لاهور شیخ جەنگی، بەمەبەستی ئاگادارکردنەوەی بۆ دوایین جار تاکو بەزووترین کات هەرێمی کوردستان بەجێبهێڵێت." 

 

لە بەرامبەردا سۆشیاڵ میدیای نزیک لە لاهور شێخ جەنگی بڵاویکردووەتەوە، "لاهور شێخ جەنگی نەك ناچێتە دەرەوەی وڵات، بەڵكو ئەمڕۆ خێزان و منداڵەكانی لەدەرەوەی وڵاتەوە گەڕانەوە بۆ سلێمانی."