گه‌ڕان

Shadow Shadow
سیاسه‌تی

یەكێكیان بەریەككەوتنە

سێ ئەگەر هەیە بۆ پەیوەندییەكانی ئێران و تالیبان

2021.08.21 - 16:41
App store icon Play store icon Play store icon
سێ ئەگەر هەیە بۆ پەیوەندییەكانی ئێران و تالیبان

ناس كورد_

ئەم ناونیشانەی سەرەوە پوختەی دەرەنجامی پەیپەرێكی سەنتەری (المستقبل) ی ئیماراتییە لەبارەی پەیوەندییەكانی ئێرانی شیعە و بزوتنەوەی تالیبانی سوننە لە قۆناغی داهاتوودا و پێشبینی ئەوەش دەكات ئێران لەپێگەیەكی ناوەڕاستدا بمێنێتەوە بەرامبەر تالیبان تا ئەوكاتەی بارودۆخی بۆ ڕوون دەبێتەوە. 

کەناڵی ناس کورد لە تێلیگرام جۆین بکە   

 

توێژینەوە ئیماراتییەكە كە "ناس كورد" خوێندنەوەی بۆكردووە (21ی ئابی 2021) سێ تەوەرەی دیاریكردووە كە پەیوەندییەكان رێكدەخەن ئەوانیش خاڵە هاوبەشەكان و خاڵە ناكۆكەكان و ئەگەرەكانن.

 

لەبارەی خاڵە هاوبەشەكان ئەم راستیانەی خستووەتەڕوو:

 

ـ ئێران و ئەفغانستان 920 كم سنوری هاوبەشیان هەیە

ـ هەندێ نەتەوەو پێكهاتە لەهەردوو وڵاتدا هەن لەوانەش بەلوج

ـ شیعەی ئەفغانستان 15%_ 29% دەبن كە پەیوەندییان باشە لەگەڵ ئێران

ـ قەبارەی ئاڵوگۆڕ لەنێوان هەردوولا 4 ملیار دۆلارە

 

پەیوەندییەكانی ماوەی ڕابردوو:

 

ـ ئێران پاڵپشتی تالیبانی كردووە لەڕووی سەربازی و هەواڵگرییەوە دژی سوپای ئەمەریكا

ـ بەمدواییانە پەیوەندی دیبلۆماسی هەبووە لەنێوان هەردوولا

ـ سوپای پاسداران و ناوەندەكانی دژی خامنەیی داوا لە شیعەی ئەفغان دەكەن دان بەخۆیاندا بگرن بەرامبەر تالیبان

 

مەترسییەكانی ئێران

 

ـ ئەگەری پەنادانی گروپە یاخییەكان لەلایەن تالیبانەوە لەوانەش داعش كە ئێران پەیوەندی نییە لەگەڵیان

ـ ئەگەری پەنادانی گروپە جودا خوازە ئێرانییەكان لە ئەفغانستان

ـ ئەگەری ئاوارەبوونی ئەفغانییەكان بە ئاراستەی ئێران كە ئێستا 2 ملیۆن و نیوی تێدایە

ـ زیانی ئابووری لە ئاڵوگۆڕی بازرگانی بەشێوەی كاتی

ـ ئەگەری زیانگەیاندن بەسەرچاوە ئاوییە هاوبەشەكانی نێوان هەردوولا بەتایبەت ڕوباری هلمند

 

سیناریۆ چاوەڕوانكراوەكان:

 

ـ بێلایەنی پۆزەتیڤ: لەم ماوەیە ئێران بێدەنگی هەڵدەبژێرێت تا دۆخەكە ڕوون دەبێتەوە

ـ شەڕی بەوەكالەت دژی تالیبان لە رێگەی باڵە شیعەكانەوە لەوانەش لیوای (فاطمیون) كە لە سوریان و سەر بەسوپای پاسدارانن و خۆیان ئەفغانین و بەمدواییانەش هەوڵ هەبوو حەشدی شیعی ئەفغانی دروست بكەن.

ـ دروستكردنی پەیوەندییەكی هاوبەش بەر مەبنای هاوكارییەكانی پێشوو.